Artêşa Tirkî û çeteyê ci 6 rojî yo ke hewl danî Vakur û Rojhelatê Sûrîye dagîr bikerî û na çarçewa de hêrişan kenî. Netîceyê hêrişan de sîvîlî yenî hedefgirewtene û heta nika bi desan sîvîlî ameyî qetilkerdene.
Tehdîdê hêriş û dagîrkerîye demêko derg bi estbî û 9ê Teşrîna verêne de hêrişî dest pêkerdî. Vera hêrişanê dagîrkerîye yê artêşa Tirk û çeteyanê ci de bitaybetî Kurdê Ewropa û dostê Kurdan 6 rojî yo ke payan ser o yî. Kurd û dostê Kurdan bi desan merkezan de vejîyayî raşteyan û hêrişê dagîrkerî yê artêşa Tirkî şermizar kerdî.
Çalakgêrî welatanê sey Almanya, Hollanda, Îtalya, Avusturya, Swêd, Swîsre, Avustralya, Fransa û sewbîna xeylê merkezanê cîya-cîyayan de vejîyayî raşteyan û dagîrkerîya dewleta Tirkî şermizar kerdî. Çalakgêran silogananê sey ‘Terorîst Erdogan’, ‘Leşkerê Tirkan Kurdîstan ra bicehimê’, ‘Bicuye Rayber Apo’ û hêzanê mîyanneteweyîyan ra waşt ke wa hêrişan bidî vindarnayene.
BRUKSEL