Bajarê Dîlokî de bi nameyê Hasan Bîrdenî de kesek par seba ke nêweşîya astimî tede vejîya û dima ra açarîya nêweşîya KOAHî, raporêk girewt û teqawit bî. Labelê yew serre ra dima bi mehneya raporê xo newe nêkerdo, meaşê ci birîya. Wexto ke Bîrden şî nêweşxane, herçiqas ke nêweşîya ci giran bîye, labelê reyna zî raporo ke se ra 60 nêşêno kar bikero dîya ci. Cok ra meaşê ci bi temamî birîya.
Babete ser o Bîrdenî qisey kerd û vera na rewşe de reaksîyon nîşan da. Bîrdenî va ‘mi nizdîyê serrêk meaşê xo yê teqawitbîyayîşî girewt’ û wina dewam kerd: “Dima ra mezgê mi de tumorêk ame tespîtkerdiş û ez beşa lezgîne ya nêweşxaneyî de menda. Wexto ke cinîya mi seba antişê meaşî şî, ewjnîyaye ke meaş çin o. Ez nêweşxaneyî ra vejîyaya û şîya SGK. Labelê mi ra vatî to raporê xo newe nêkerdo û mi sewqê nêweşxaneyî kerdî. Wexto ke ez şîya nêweşxane, heyeto ke verê cu se ra 80 rapor dabî mi, na rey se ra 60 rapor da mi.”
Bîrdenî va ‘goreyê raporî ez eşkena bixebetîya’ û wina qedêna: “Madem ez eşkena bixebetîya, çira ez girêdayeyê cîhazan cuyena. Ez nika bi torbeyan îlaç xebetnena. Nika 3 domanê mi estî û 2ê ci şonî mekteb. Rewşa mi xirabin a û ez saya embaz û cîranan de debara xo kena.”
MA/DÎLOK