Gerîlaya YJA Starî Ezda Rojhate, Colemêrg de yena dinya. Gerîla Rojhate bi serran polîtîkayanê faşîst yê dewleta tirk reyde rî bi rî manena û nê polîtîkayî benî sebeb ke Rojhate beşdarê PKKyî biba.
Gerîla Ezda Rojhate qala cuyayîşê xo kerde.
Ezdaya ke bi şehadetê gerîlayê HPGyî Rojhatî ra tesîr bena û beşdarê gerîla bena, wina vana: “Tesîrêko cîya yê embazê Rojhatî ser mi de estbî. Embaz Rojhatî wexto ke waştêne ke çalakî bivirazo, hetê dişmenî ra amebî ferqkerdiş. Dima dişmenî gule Rojhatî ser de reşanabî, her çiqas ke 3 guleyî embazê Rojhatî ginaybî zî Rojhat nêkewtbî. Polîsî dormeyê cenaze girewtbî û îşkenceyê cenaze kerdênê. A vîste de ez seba ke heyfê ey bigira, mi xo bi xo soz dabî. Tena mi nê, zafane ciwanê ke ê wehşetî dîybî, beşdarê gerîla bîyî.”
PKK merdimî ganî keno
Gerîla Ezda Rojhate dewamê qiseykerdişê xo de va ‘wexto ke ez mîyanê sîstemî de bîya, mi mekteb wendêne’ û qiseykerdişdişê xo wina domnaye: “Wexto ke ez beşdarê PKK bîya, mi fam kerd ke mektebê dewlete ser ma de polîtîkayê asîmîlasyonî meşnenî. Nika ez tîya de ya û wexto ke ez xo ra ewnîyena, ez vînena ke xeylê bedilîyayîşî mi de virazîyayî. Ez tarîx û kulturê xo musaya û ya tewr muhîm zî ez sey cinîyêk bîya wayîrê îradeyêko gird. PKK îradeya merdimî newe ra xelq keno.”
Ez şopa aye de şona
Gerîla Ezda Rojhate peynîya qiseykerdişê xo de va ‘seba ke ez beşdarê PKKyî bîya, xo bişans hîs kena’ û qiseykerdişê xo wina qedênaye: “Îxtîmal estbî ke ez zî sey ciwanê ke mîyanê sîstemî de helîyênî ra yewe bibîyêne. Ez wazena wa heme ciwanî beşdarê gerîla bibî. Mi soz dayo heme şehîdan. Bitaybetî mi soz dabî Şehît Sara (Sakîne Cansize) û ez do rayîrê Saraye de şêra.”
Z.NERGÎZ BOTAN / DÎDAR KATO / ANF / BEHDÎNAN