Dayîka rojnamegere Denîz Firata ke Bêrîtane nas kerda, Sultan Yildiztane zî vindetişê Bêrîtane ser o qisey kerde. Dayîka Sultane dîyar kerde ke ê 27 serrî yo ke koçber cuyenî û wina domnaye: “Mi Bêrîtane Xakurkê de şinasna û o wext karê çapemenîye kerdêne. O wext dewleta tirkî herême qasê 13 rojî bombe kerdî û Bêrîtane zî hetkarîya ma kerde. Bêrîtane o wext nano wişk ser o awa firingîyan sawite û da domananê mi. Para xo dayêne domanan. Ma nika seba erjê ke aye xelq kerdî, têkoşîn danî. Ez têkoşîn û vindetişê aye rê rêz gêna. Her ke ez kewena tengîye, ez Bêrîtane ana xo vîre û ez hêz gêna.”
Dayîke va ‘ma mîrasê têkoşînê Bêrîtane dewr girewto’ û wina domnaye: “O wext 3 keynayê mi beşdarê têkoşînê azadîye bîbî. Îxanetê PDKyî ra dima ma dewa Şiwê de bica bîyî. 45 rojî pêrodayîşî qewimîyayî. Mi domananê xo ra tewr zaf bêrîya Bêrîtane kerdêne. Grûbêka embazan ameye dewe û wexto ke mi Bêrîtane pers kerde, vatî ‘şehîd bîya’. O wext mi va qey qazikêka awa germin mi ser o bîya. Seba ma dejêko gird bi.”
MEXMÛR