Dayîka Makbûle Akyuza ke her roje 104 kîlometre rayîr şona û beşdarê çalakîya Nobeta Demokrasî ya Amedî bena. Dayîke dana zanayene ke eke aye rojêk nêşêra çalakîya lajê xo Delîlî hewnê xo de vînena û wina vana: “Tîya de hûmara polîsan ma ra zêdeyêr a. Labelê ez înan ra nêtersena. Heme domanî Delal û Delîl î.”
19ê Tebaxe de şaredarîyê Amed, Wan û Mêrdînî hetê AKP û MHPyî ra ameyî xespkerdene û herinda hemşaredaran de qayûmî ameyî tayînkerdene. Vera xespbîyayîşê şaredarîyan û tayînbîyayîşê qayûman de hêrsê Kurdan her ke şono zêde beno.
Her roje cinî, doman û extîyarî zî tede bi seyan kesî çalakîya Nobeta Demokrasî de yenî têhet û hêrsê xo nîşan danî. Nê çalakgêran ra yewe zî dayîka bi nameyê Makbûle Akyuze ya. Na dayîke her roje taxa Xanika Jêrî ya Çinarî ra yena Amed û beşdarê çalakîye bena.
Dayîke Ajansê Mezopotamya ra Arjîn Dîlek Oncele rê qisey kena û dîyar kena ke eke rojêk nêra çalakîye, lajê aye Delîl keweno hewnê aye û aye serê sibayî rew werzîyena û kerdişê nimajê sere sibayî kewena rayîr. Dayîka Makbûle dana zanayene eke beşdarbîyayîşê çalakîye zêde bo qayûmî do peyser bêrî antene û dîyar kena ke aye 38 rojî yo ke her roje 104 kîlometre rayîr yena û beşdarê çalakîye bena.
Ez înan ra nêtersena
Dayîka Makbûle bale ancena hûmare û nizdîbîyayîşê polîsan ser û wina vana: “Ez wendiş û nuştiş nêzana. Beno ke ez rojêk nasnameyê xo yê Kurdî biveja. Coka ez nasnameyê xo nêbedilnena. Ma êdî wazenî rojanê weşan bivînî. Ez nêwazena ciwanê ma bimirî û hepsîyê ma zîndan de bimanî. Labelê nê zalimî înan kişenî. Wexto ke ez televîzyon temaşe kena, nêşêna bi xo û ez yena çalakîye. Tîya de hûmara polîsan ma ra zêdeyêr a. Polîsî bi çimanê tehdîtkaran ma ra ewnîyenî. Labelê ez înan ra nêtersena. Ez nêwazena wa kesêk bimiro. Heme domanî Delal û Delîl î.”
AMED