Ewro Farqîne Merwanîyan hawarî keno. Ewro Farqîne Zembîlfiroş hawarî keno. Hawarî keno la xoverdayîş zî keno û vano, “ma qet û qet teslîm nêbenê.”
Dewleta Tirk û AKP pê heme hêzê xo hêrîşe Farqîn kenê, labele Farqîn zî cewabe hêrîşan dano.
Yew ciwane Farqîn yê bi nameyê Weysî verê kamereyan hina qise keno. “Seba darêk dinya wişt serlingan. Labele yew destek nêdano Farqîn. Çayê şorişgerî. Heme cayê Kurdîstanê de Başur, Bakur, Rojhilat û Rojava de Kurd yenî kiştiş, labele dinya bêvenga. Gazze de yeq tut yeno kiştiş, dinya wirzena payî. La çend rojîyo dewleta tirk pê tanq, top û sîlahên giran hêrîşe Farqîn kena dinya bêvenga. Nê nan esto, nê aw esta. Wa herkes bizano. Tîya ware Egîd û Delîlaya yo. Ma tena zî bimane ma xoverdayîş kenî û sere xo nêtewinenî.”
Ciwane Kurd se vato, pêronê nê qiseyan raştî.
Farqîn wextêk de serranê 1990’an de bin hêrîşe JÎTEM û Hîzbul-Kontrayan de bî. Her roj çend Farqînij hetê çeteyên Hîzbul-Kontrayan de amenê kiştiş. La reyna Farqîn sere xo nêtewîna. Cizîre Botan, Nisêbîn û Gever zî hina bî. Ewro eynî bajar hemberê hêrîşe dewleta tirk hina egîdî kenî. La ma ewnenê cayê bîn yê Kurdîstanê bêveng manenê. Şarê Kurd tebere welatî de bêveng maneno. Dinya bêveng manena. Hêrîşêk ser Farqîn û bajarê bîn yê Kurdîstanê de benî, gore hêrîşe Gazze se û hezar kat zêdayîre. Dinya ker û lal bîya.
Bena tayî kurdî dinya ra loma bikerenê la qet hewce nêkeno. Wa şarê kurd tena serrek verê cû bîyari vîra xo. Şarê Kurd seba Kobanê se kerd eşkeno seba Farqîn, Cizîre Botan, Nisêbîn, Licê û cayê bîn yê Kurdîstanê hina bikero.
Kobanê de şarê kurd dew bi dew, qeza bi qeza, mehla bi mehla, bajar bi bajar û herêm bi herêm ame pêser şi ser xete Kobanê, destek da xoverdayîşê Kobanê. Tena destek zî nêda, bi xo şi beşdare xoverdayîşe Kobanê bi. Hemberê çeteyên DAÎŞ’ê T.C şer kerd. Mîyanê înan de egîde egîdan şaredare Elke Wisif Temel zî bibi. Wisif Temel azadbîyayîşe Kobanê dima ra şehîd kewt.
Tebere welatî de zî hina xoverdayîş bi. 1’ê Mijdarê de çar qirneya dinya de seba Kobanê meş û mîtîng virazîyeyê. Pê Kobanê ruhe netewî yê şarê kurd xurt bi. Wexto kî yew kurd yew cayê de vano ez Kurda, ayê xerîb vanê “ha Kobanê, Bijî Kobanê! Bijî Kurd û Kurdîstan! Şarê Kurd egîdo.”
Nika zî şarê kurd eşkeno eynî sey Kobanê reyna rûmetîya û şerefe şarê kurd mîyanê pêronê şarê dinya de berz bikero.
Hele şarê kurd ayo kî Ewropa de ciwîyeno eşkeno zêdayîr role xo kaybikero.
Şarê Kurd yê Ewropa eşkeno bêvengîya xo û dinya wertira rakero.
Ciwane Kurd aye Farqînê Weysî vendeno ma ma.
Vano, wirzene wirzene û wirzene!
Dem demê Serhildano Ey Şarê Kurd!
Bi ewnê Farqîn beso.