Nî biyayisanî de biçika AKP esta. Bi qûwetanê xo û qanûnanê xo ya virniya nî serestisan kene ra. Vana raye naca ra şerê çik wazene bikerê. AKP jû paketa ke yena mane ceng ard rojdemê Meclîse. Seweta ravernayena na pakete ke binge kena hazir. AKP bine namê tivariye de teyna seweta hukumdariya xo dormê kena qûwetin.
Qonaxê xo wazena bipawo. Ma kî sûkan bicerê me hata kûçeyan niyada vîneme AKP hometa arda ci hal. Kes endî kes rê taxammul nêkeno. AKP xoza, zon û îtîqatan sero kaykena. Seweta asîmîlasyon hedef gureta, perwerde gorê îdeolojiya xo dayene de israr kena.
Jê nînan na paketa ceng de kî israrê xo ramena. Na pakete yena manê jede biyayena qetlîaman. Erdogan destûr da û iyê fekê iyê niyadane, esnafê ci desinde canê jû mordem guret. Seweta ninan can ra avê qanoxê ci, cevê domananê ci muhîmi.
Davutoglu ki HDP texdît keno. Çinayrê poşt nêdanê paketa ceng rê. Jedena avê sono û vano; şar kuçeyan de verva Molotof estoxa xo pawino. E ke tewa bî mesûlê ci ke simayî. Nika ra xo kenê hazir. Niya vanê; mevejerê meydanan, kûçeyan, heqê xo mefetelîrê. Sima ke hin kerd, komê ma seweta qetlîaman, mordem kistene, gûcik de pîne.
AKP hona paketa xo Meclisî ra nêverna, çond kesî ameyî kistene. Karkerî her roz jû bi jû weşiya xo ra benê. Verva pero polîtîkayanê kolonyalîsti qerarê boykot ke hetê AKP ra ame mane kerdene. AKP nêverdana kes haqa xo bifeteliyo.
Jê ameyena domanan pero rayan kena tarî. Homete roşterê wazene hesret raverdê. Haqa xo wastene suc vînenê, hama polîsi ci bi na qanûnana kuçeyan de bila sevevî besekene mordem bikise, bicerê binêçim, desinde bierzê hepîsxane. AKP ke jê hukûmatane bînan her tim seweta karanê xo yê qilêrînanî komanê faşistan ana kar ardene. 2002 de AKP biyê hukûmat. A roze na het AKP ke kuna goniya kurdan û şoreşgeran. Nayê ra avê ke bi destê kontrayan hukûmatê dewleta tirki bi hazaran şoreşgerî kistî.
AKP na qanûn ardena, zîxniyetê dewlete rê hata peyniye wayir vejîna. Na hukûmat teyna pêrodayiş ard û hona ke anê. Namê nayê dîktatoriya, faşîzma zovîna ke tewa niya.
Meral KUÇUK