Demêko derg o ke mabênê Amerîka û Tirkîya de krîzêk estbi û tewr peynî Amerîka serbest veranêdîyayîşê rahîbêkî ver, qerar girewtbî ke dewleta tirkî ceza bikero. Dima ra dolar vejîyabi 2 qatî û Amerîkaye bacê alîmîyon û pola zêde kerdbî.
Dewleta tirkî zî vera Amerîka de tayê qerarî girewtî û faturaya nê krîzî şarî rê birnaye. Seke yeno zanayene Erdoganî 2 rojî verê aşkere kerdbî ke wa herkes ıPhone boykot bikero. Erdoganî qerarêk aşkere kerd û goreyê qerarî çîyê ke merkezê înan Amerîka de yî rê bacê înan ame zêde kerdene. Qerar Rojnameyo Fermî de ame weşênayene.
Goreyê qerarî; meyweyê ke qalikê înan wişk o de se ra 20, birinc de se ra 50, tutûn de se ra 60, şimitişê alkolinan de se ra 140, komir û sewbîna çîyanê veşateyan de se ra 13.7, wesayîtê motorinan de se ra 120 û sewbîna xeylê çîyanê bînan de bacî ameyî zêde kerdene. Seke yeno zanayene xeylê markayê ke Tirkîya de yî, yê Amerîka yî. Nînan ra tayê înan nê yî; Nîke, Calvîn Kleîn, Levi’s, Danone, Nescafe, McDonald’s, Burger Kîng, Kraft, Dorîtos, Ruffles, Coca Cola, Pepsî, Sprîte, Alo, Calgon, Carrefour, Dove, Ipana, Pantene, Nokîa, IPhone, Wîndows, Intel, Dell, BP, Mobîl, Shell, Opel, Chevrolet, GE, GM, Hotmaîl, Yahoo, Marlboro, Dîsney, Mazda, Ford, Volvo, Jaguar, Cîtîbank û sewbîna xeylê markayî. n MERKEZÊ XEBERAN