Îqtîdar wazeno bacê wesayîtê motorinan se ra 40 zêde bikero û vera nêyî de reaksîyonê şarî dewam kenî.
Babete ser o Hetkarê Hemserekîya Pêroyî ya HDPyî û Ekonomîst Sezaî Temellîyî qisey kerd. Temellîyî va ‘îqtîdar hetêk ra hewl dano şerî fînanse bikero û heto bîn ra zî seba rejîmê xo çimeyan bivîno, heqê kedkaran xesp keno’ û wina dewam kerd: “Nika hewl danî pêroyîya çimeyanê welatî bi hawayo erjan biroşî. Badê ke hukmat tîya de xetimîya na rey fonê estene ard rojeve û heme estena Tirkîya destêkî de kom kerd. Nika zî hewl dano nînan biroşo. Hukmat nêyî zî bi rayîrê qanûno torbe keno.”
Temellîyî dewamê qiseykerdişê xo de va ‘hukmat zafaneyê bacan bin nameyê fonê sanayî yê pawitişî de xerc keno’ û wina domna: “Hukmat şerî ra xo miqate keno û bi no hawa hewl dano komelî bikero hetgirê şerî. Nika ser sînorî de tatbîqatê şerî yenî kerdiş. Heme şîyayeyê ke nê tatbîqatan de şonî ser o qet munaqeşeyî nînî kerdiş. Barê zafaneyê bacî feqîr û kedkaran ra yeno girewtiş. Bedelê şerî feqîrî danî.”
STENBOL