Wexto ke AKP, hemberê şarê kurd şer da destpêkerdiş hesabên şaş kerdî.
Yew bi yew nê hesabên şaş hina yê.
1-AKP û hetkar û tetîkkeşanê AKP vatenê, PKK-KCK û hetkarê înan Başur, Rojavayê Kurdîstanê de şerêk giran, Rojhilatê Kurdîstanê de zî şerêk giran zî nêbo hîrê parçe Kurdîstanê de şer ramnenê.
Eger ma Bakurê Kurdîstanê de hemberê şarê kurd şerêk vejê, gerîlayên PKK-HPG cesaret nêkenê xoverdayîş bikerênê. Sey AKP û hetkar û tetîkkeşên aye hesab kerdenê, hina nêvejîya. Gerîlayên HPG va, fermo ti hêrîş bikerê, ti vînenê ez çi ana sere to. Gerîlayên HPG va, ti texsîr nêkenê, ez zî texsîr nêkena. Hemberê hêrîşanê AKP û dewleta tirk xoverdayîş da destpêkerdiş.
2-AKP û dewleta tirk gore şert û merce 2012 hesab kerd. Înan va ke, PKK-HPG’yîyan 2012 de şerêk ramit, la şarê kurd zêde beşdarê şerî nêbi. Emserr zî hina beno. La rewşêk cîya bi. Şarê Kurd bajar bi bajar îdareyê xo cewherî îlan kerd. AKP û dewleta tirk hemberê îdareyên cewherî hêrîş kerd. Şarê Kurd zî bajarê xo pawit. Hesabên AKP vengîn vejîyayê.
3-AKP înan vatenê gerîlayên ke şerê xo de xurtî, giranîyên înan Kerkûk, Mexmûr û Şengal de mîyanê şerî de yê. Gerîlayên bakur xeşîmê, eger ez şerêk bivejî nêşkenê xoverdeyîşêk xurt biramnenê. No hesabê AKP û dewlet zî zaf şaş vejîya. Gerîla esker û polîsanê tirk perîşan kena.
4-AKP û R.T.Erdogan înan vatenê, şer de esker bîyero kiştiş, ez pê cenazeyanê înan propanganda kena. Hemberê HDP, nîjadperestan rêxistinkena û hêrîşê HDP kenî, hina HDP bê hêz bena. Rayê mi zêdê û yê HDP zî kem benî. No hesabê AKP zî raşt nêvejîya. Gore rapersînan rayê HDP zêde benî, yê AKP kem benî.
5-AKP reyna vatenê ke, eger esker û polîs bîyerenê kiştiş, keye esker û polîsan HDP sucdar nîşanbidenê. Herkes HDP sey dişmenê bivîno û wexto hina bibo tesîrê HDP tayî bibo.
La no hesab zî şaş bi. Çiqas cenazeyên esker û polîsan zêde benê, wayîrê înan vanê AKP no şer veto.
Wexto ke wezîr û parlementên AKP şinê cayê cenazeyan, wayîrê cenazeyan înan qewirnenî.
Şîyar erzenê vanê, ”Qetîl AKP!”, "Qetîl Erdogan!”
Yuzbaşîyêk bi nameyê Alî Alkan Şirnex Elkê de ame kiştiş. Meresîma cenazeyê eyê de birayê ey o yarbay Mehmet Alkan derheqê Erdoganê de yew qisey kerd. Vat ke, "Şima vatenê çareserî û çareserî, se bi ke, şima nika vanê hetanê qîyametê şer”.
Nê panc çîyan de zî zelalo ke, pêronê hesabên AKP şaş û xelet vejîyayê.
Kam heqdar bo, o şer û xoverdayîş de serkewno.
Şarê Kurd, heqdar o. Ê şarê kurd zî bi heqdarîya wo serbikewro.