Fermandarîya Qerargehê Merkezê Pawitişê Şarî bi mesajêk gerîlayê ke 4ê teşrîna verêne de seba ke 9ê teşrîna verêne destpêkê Komploya Mîyanneteweyî şermizar bikerî, bajarê Êlihî de çalakîyêk viraştbî, pîroz kerd.
Fermandarîye mesajê xo de vato ‘çalakîya sabotajî ke hêzanê Gabarî yê warê şima 4ê teşrîna verêne de rayîrê dewanê Botika û Çêlikî ser o viraşte, derbêka girde daya îşxalkaran ro’ û wina dewam kerdo: “Seba na çalakîya tesîrine ma fermandarîya şima û şexsê fermandarîya şima de heme hêzanê warî pîroz kenî. Bitaybetî zî hemrayê ke yewîya çalakîye de ca girewtî û yê ke emegê ci tede esto, ma hemînan pîroz kenî û înan rê serkewtiş wazenî.”
Fermandarîye dewamê mesajê xo de wina vato: “Dewleta tirkî ke xeylê çalakîyan çapemenî û şarî ra nimnena, na çalakîye de mecbûr mende ke aşkere bikera. Seba ke tarz û cayê na çalakîye nêameyî nimitene, vera naye de ecêb mendî û eşkera kerdî. Yeno fam kerdene ke gerîlayan tarzêko raşt ardo ca. No semed ra ma înan pîroz kenî, heme hêzanê warî bi heskerdiş û hurmetî silam kenî û înan rê serkewtiş wazenê.”
ANF / BEHDÎNAN