Kamî hewî tetîkkeşan no komkiştiş kerdo zêdeyîr, kamî fermanê komkiştiş da yo, o muhîmtir o.
Verêneyê pêro çîyan bi ewnê tetîkkeş çara ameye Parîs?
Şîrîka tetîkkeşan ya bi name Heyat Bomedîyen çara derbasê Rojava bîya, a rayîr muhîma.
Amedy Coulibaly, Şerîf û Seîd Kouachi kam hew rayîr ra şîyê û ameye Fransa, kam hew
Welat de mendê ayê muhîmê.
Kovarê Karîkaturê Charlie Hebdo, seba Kobanê û Roboskî destekêk seyî dabi bîyero zanayîş, o muhîm o.
Wexto kî cewabê nê pirsan bîyero dayîş, beno zelal kî kamî fermanê komkiştişê Parîs da yo.
MÎT’ê Tirk eşkera vano, Heyat Bomedîyen 2’ê Çele de ameya Stanbol û uca ra şîya Serêkaniyê.
Reyna wexto ke, çeteyên DAÎŞ’ê T.C aşme Êlul de herîşê Kobanê kerd, çeteyanê DAÎŞ’ê T.C yew resim vila kerdibi. No resim de çeteyanê DAÎŞ’ê T.C, sey eskerê Tirk rêz bibî û hetê Kobanê ra şîyenê.
No resim de Amedy Coulibaly zî bibi.
Tayî xeberî yenê vilakerdiş vanî, her di çeteyên bi name Şerîf û Seîd Kouachi girêdayîyê El-Qaîde ya Yemenêyê. Ez bawernêkena. Ez hina hîs kena ke, bivejîyo werti kî her di çete zî şîyê Rojava û dima ra agêrayê Fransa.
Qiseykerdişên R.T.Erdogan yên ser Rojava û Kobanê, desteka MÎT û arteşa Tirk ya ke seba çeteyên DAÎŞ’ê T.C zî danî dîyara. Xo ra pêronê dinya zana.
Edîtorê Charlie Hebdo, Charlie qey û seba Kobanê û komkiştişê Roboskî çi vatibi û karîkaturê seyîn viraştiştibi, yeno zanayîş.
Pêronê nayê belgeyan û delîlan bîyero komkerdiş, komkiştişê Parîs zelal aseno.
Kam dişmenê şarê Kurd, Rojava û Başur û temamê Kurdîstanê yo?
Dewleta Tirk a.
Dewleta Tirk çeteyên DAÎŞ’ê T.C rêxistin û destek kena gelo?
Ya, kena.
Çeteyên DAÎŞ’ê T.C ça ra şinê Başûr û Rojava yê Kurdîstanê, Surî û Iraqê?
Ser dewleta Tirk şinê Rojava û Başûrê Kurdistanê, Surî û Iraqê.
Çeteyên DAÎŞ’ê T.C, hemberê kamî şar û welatî şerkenî?
Hemberê şarê Kurd û Kurdîstanê şer kenî.
Kam înan hemberê Kurd û Kurdîstan dano şerkerdiş?
Dewleta Tirk.
Kam vano, ma nêverdenê Rojavayê Kurdîstan azad bibo?
Recep Tayyîp Erdogan.
Nê pirsan û cewaban dima ra çîyokê zellal nêbîyo maneno?
Ne.
U wext ma eşkenê vaji, fermanê komkiştişê Parîs yê dîyîn R.T.Erdogan û MÎT’ê Tirk da yo.
Fermanê komkiştişê Parîs yê dîyîn R.T.Erdogan û MÎT’ê Tirk da yo.