Festîvala ke hetê FEDA, ADEF, Cemîyetê Newede ra Înşakerdenê Dersim, Komeleya Kurmeş, Komeleya Dûştê Tertelê ’38 yê Dersim, Komeleya Pilûr û DersimSpor organîze bena eve slogana ’Kurdistana Azad de Xoserîya Dersim’ virajîna. Dersimizan ra pîya çormeyê alewî û Kurdistanizî tewr benê.
Startê festîval ewro seat 17.00î de eve panela “Tertelê Dersim ra na het îdareyê xoser û Dersim a xoser” destci kena. Pawitox û nuştox Erdal Dogan, çormeger Haydar Çetînkaya, nuştox û cigeyrayox Kazim Cîhan, nuştox û Hemserokê FEDA Erdogan Yalgin dê qisey bikerê. Panelî ra tepya kî Cem ê Jûyiyî virajîyeno. Mavêna Panel û Cemî de hunermend Sena Dersimî û Yildiz Aslan dê heskerdoxanê xo rê klaman vazerê.
‘Polîtîkayanê qirkerdiş ra vajime bes o!’
Festîval meşt kî eve panel, bernameyê sehne û aktîvîteyanê cîya dewam kena. Bernameyê meşt yê festîval meşt seat 11.00î de bi panelê ‘Şiyayiş ra na het kultirê Dersim de rolê cenîyan’ dewam keno.
Peycoy xêlê sîyasetmedarî dê sehne ra mesajanê xo bidê. Hemseroka HDP Fîgen Yuksekdag, Parlamenterê HDP yê Dersim Alîcan Onlu, Hemşaredara Dersim Nûrhayat Altûn û şaredarê qezayanê Dersim, temsîlkarê xêlê sazgehanê cîya, maya rayverê xoverdayisê Cizîr Mehmet Tûnç Esmer Tûnç, kaykerdoxê Amedspor Denîz Nakî û boksorê namedar Îsmaîl Ozen kî silayînê festîval bî.
19 hunermend û komê muzîkî yê zey; Grûp Bajar, Grûp Mûnzûr, Ayfer Duzdaş, Hozan Comert, Şengul Pak, Hozan Serdar, Ozlem Baglayan dê festîval de sehne bigîrê.
Komîteyê Hadreyîn ke roja verî vend da hometî, serva wayîrvejyayisê kultir, zon û hardê xo herkesî silayînê festîval kerd.
NAVENDÊ XEBERAN