Serra 2010î ra nika firina nanî ya Til Temirî, dewe û bajarê Til Temîr û Zirganî ra xizmet dana. Firin serra 2015î de bî hedefê çeteyê DAIŞî la vera heme hêrişan her roj seba îxtîyacê şarî ya nanî, firin de xebat domya. Firin de 35 karkerî estê û nê karkerî zî her roj 15 saetî xebityenê, xebatkaran seba şarê xo betlane zî nêşuxilnenê, roje de 11 hezar nanê bi poşetî şarî ra vila kenê û vilakerdişê nanî zî bi komunan yeno kerdiş.
Xebatkarê firinê Til Temîrî Hesen Silêman vat ke verin ma 9 hezar nanê poşetî yê ke zereyê ci de 9 nanî estbî vila kerdinê, peynîya zafbîyayişê koçî ser zî ê nêçare hûmara nanî zêdê kerdê.
Silêman wina vat: “Xebatkarê ma Kurd, Ereb û Suryanî yê, ma nêwazenê şarê ma bi nanî bimano, ma waştişî ser o Hesekê ra hezar heb poşetî waştê, êdî ma nêwazenî. Her banî ra ma hewl danî ke nanî biresnê. Ma senî demê hêrişê DAIŞî nêqefelna, ma do hewna nêqefelnê.”
Dewijê dewa Xiwêtlayî Abdurrahman Mehmûd zî dîyar kerd ke seba ke hûmara bexwaştoxî zaf ê no ser hûmara nanî qiym nêkeno û wina qedîna: “Vera hêrişan firin xebata xo kena, no zî vera îşxalkaran îradeyê ma nîşan dano. Homa herranê ma yê azad îşxalkaran ra bipawo.”
ANHA/HESEKÊ