Tecrîdo girankerde ke Rayberê Şarê Kurdî Abdullah Ocalanî ser o yeno domnayene, bitaybetî welatanê Ewropa de yeno protesto kerdene. Nînan ra yewe zî Fransa yo. Bajarê Fransa Montpellîerî û Marsîlya de tecrîd ame protesto kerdene û azadîya Ocalanî ame waştene. Reyna bi wesîleya serrgêra 15ê Tebaxe pîrozkerdişî zî domîyenî.
Bajarê Montpellîerî de Rasteyê Comedîe de stand ame akerdene û vilawekî ameyî vila kerdene. Stand de kitabokê ‘Konfederalîzma Demokratîke’, ‘Jineolojî’, ‘Neteweya Demokratîke’, ‘Komelê Ekolojîkî’ ameyî vila kerdene.
Bajarê Marsîlya de zî Hemleya 15ê Tebaxe ameye pîroz kerdene. Kurdistanîyî Rasteyê Vîer Portî de kom bîyî. Çalakîye de posterê Rayberê Şarê Kurd Abdullah Ocalanî, beyraqê PKK û YPG û YPJyî kiriştî. Dima ra rayberîya Meclîsê TEV-ÇANDî de muzîk ame organîze kerdene û govende ameye girewtene. Pîrozkerdiş bi slogananê ‘Bicuye Rayber Apo’ qedîya.
ANF / BRUKSEL