Faşîzma AKPe bi rewşa namerdî goristanê şehîdan ê kurdan ra hêriş kena û bombe ser înan de varnena. Çîy rê şûraqaya qesra Erdoganî bi bombeyan hêrişê şehîdgehan kena? Çimkî dîrokê kurdan de tewr çîyo pîroz û muqades şehîdê kurdan î. Heyana ewro nê têkoşîna kurdan eke ameya nê dewre, qadê sayeya nê şehîdan ra yo. No warî de şûraqaya qesra Erdoganî bi rewşa zanayî ra hêrişê şehîdgehan kena.
No warî de soytarîyê dîktatorî ya qesra Tayyîp Erdoganî vano ke: “Seba ke binê nê goristanan de cebilxaneyê çekan esto, ma hêrişê goristanê şehîdan kenê.” Qetilkar û munafik Erdogan eynî wextî de zî hesaban ra xo rê mehneyekî bi heq virazeno. Yanî ewta de HPG xo rê sewbîna cayê mintiqaya depoyê cebilxaneyê nêdî û ameyê mîyanê goristanî de cebilxaneya xo ronayo. Yanî no hewa zûrkerey ra kam bawer keno? Tayyîp Erdoganî xo rê zûrkerey û qetilkarey sey meslekî girewto. Erdogan ewta de peyamê gird dano kurdan û vano: “Madem kî xiznaya şima ya pîrozî eke şehîdgeh î û ez zî verên ra pîrozîya şima ra hêriş kena.” Senî hewa Parîsî de hêrişê cenîya pêşeng a PKKe ya verên embaz Sara (Sakîne Cansiz) kerdbîy û bi verên ra ser cenîyan ra qetilkarey viraşte. Şero taybet bi esil Parîs de nê peyamê xo yê lêminî da û dest pê kerd. Muzakere û çareserî heme fasafîso bi.
Ewro zî nê qetilkarî hêrişê heme kurdan kenê. Enqereye de qirkerdişê ke Mitînga Aştîye de ame kerdiş û nê qirkerdiş eynî hewayê bazarê ganî bî. Yanî kam eşkeno ke nê qetilkaran ra vajo şima merdimî û erjê merdimantî xo rê esas gênî? Yanî nê qetilkarî kamik rîy ra wardenê şarî ra rayan wazenê? Hem şarî qir kenê û goristananê şarî sero bombe varnenî û rewşa namerdîy ra wardenê şarî ra rayan wazenê. Hînê cayê qetilkaran Kurdistanî de çinî yo.
Hînê nê qetilkaran ra bes nîyo? No warî de şarê kurd hînê çi paweno? Bi tena hêrişê bombevarnayîşê goristananê şehîdan ra ganî warê kurdan ra sebebê yew serehewanayîşî bo. Madem ke tewr çîyê pîroz ê kurdan şehîd û şehîdgeh î, dişmen zî nê cayê pîroz sero bombe varnenî û tar û mar kenî, hînê serehewenayîş eyro nêbo hînê kam roj beno?
Bi verên ra şeref û namûsê kurdan nê cayê pîroz û mûqades î. Ganî şarê kurd heme tewir ra nê goristananê şehîdê kurdan bi nengûyan û didananê xo reyde bipawê. Qabê kurdan ra tewr xêzê sûrî yê girdî nê cayê mûqades û pîroz î. Ewro roj rojê şeref û rojê namûsî yo. Ewro rojê xoverdayîş û serehewenayîşî yo.
Kamik dinyaye de çîyê inasarên ameyî dîyîş
Kamik dinyaye de veynîyayo ke cesedî rût û repal kerdî, kindir visto mildê înan û erdan ra kaş kerdî û resmê înan anto, teşhîr kerdî? Hînê no hewa namerdey û şerefsizey bes nîyo û nay ra zî goristanan sero bombe varnenî. Bi verên ra goristanê şehîdan a Gimgimî bi bombeyan amey xirakerdiş û Cemxane û Camîye veşnay û xira kerdî. Ti ra dima pey ra pey Bedlîs, Wan, Colemêrg, Şirnex û ewro zî qezaya Amedî ya Licêye de şehîdgehê ‘Şehîd Harûn û Şehîd Hêvîdar’î sero bombe varnayî. Eynî wextî de zî Dêrsim de Şehîdgehê Suna Çîçek û Doktor Baranî sero zî bombe varnay.