MUJDAT CAN / MA / WAN
Badê ke zimistano derg û dila qedîyeno û wisar yeno, vilika galirî ke rengê aye yê zerd û sûre estî, akena. Vilika ke kurmancî tira vanî ‘guldexwîn’ yena manaya ‘vila ke bermena’.
Na vilike herême de zafane Wan, Dêrsim, Mûş, Şirnex, Colemêrg û Sason de bibo zî, xeylê cayanê bînan de zî esta. Vilika Gilarî tewr zaf cayanê berzan de akena. Na vilika ke rewşa normale de aşma Nîsane de akena, emser seba ke hewa erey germ bi, aşma Gulane de akerda.
Nê cayan ra yewe zî Taxa Zevê ya qezaya Gevaşî ya Wanî ya. Bi seyan kesî peynîya hewteyî de seba dîyayîşê gilaran vera xo dayî taxe. Kesê ke seba dîyayîşê gilaran ameyî, fotografî antî. Seke yeno zanayene na vilike hetê şarî ra sey dermanî zî yena bikarardene. Awa ke mîyanê nê gilaran de kom bena, yena şimitene.