FÎDAN EBDULLAH ANHA/ŞEHBA Rayberê Şarê Kurdî Abdullah Ocalan 15ê Sibata 1999î ra nata binê tecrîdêkî de yo û no tecrîd her ke şono giranêr beno. Bitaybetî tecrîd çend serrê peyênan de açarîya îzolasyonî û 3 serrî yo ke Ocalanî ra ti xebere nîna girewtene. Avûkate Selwa Ecaca ke eslê xo de ereb a û Şehba de ronîşena, derheqê tecrîdî de qisey kerde. Selwa Ecace dîyar kerde ke tecrîd îxlalê huqûqê mîyanneteweyî yo. Ecace bale ante kerdişanê zextkar û dagîrkere yê artêşa tirkî ser û wina va: “Polîtîkayê dewleta tirkî yê vera Vakurê Sûrîye de sîyasetê herême ser o tesîrêko xirab kerdî.” Ecace va ‘dewleta tirkî bi tecrîdî rîyê xo yê lêminî nîşan daye’ û wina dewam kerde: “Na rewşe îxlalê huqûqê mîyanneteweyî ya. Ocalan şexsîyetêko sîyasî û azadîwaştox o. Ocalanî heta nika seba azadîya cinîyan û biratîya şaran têkoşîn dayo. Ez tecrîdî şermizar kena û heme sîyasetmedar û avûkatanê dinya ra wazena ke wa vera tecrîdî de têkoşîn bidî.”