Gerîlayê HPG/YJA Star Warê Pawitişê yê Medya ra ravêreyeya Kurdistanê Vakurî ser qise kerdî û vatî ke hetanê şarê kurdî ser polîtîkayê qirkerdişê warzî ê do xoverdayîşê xo bidomnî û şarê kurdî tena nîyo.


Heta azadîya şarî û yê Rayver Apo  tekoşîn do biramo

Bariş Farqîn: Ez sifte xoverdayîşê Kurdistanê Vakurî silam kena û no xoverdayîş dîroka Kurdistanî de cayêke muhîm ca gêno. No xoverdayîş do bibo vesîleya azadîya Kurdistan û şarê kurdî. Nika ma ravêreyeyêke dîrokî ra vîyarenî, no ser zî lazim o ke 4 parçeyê Kurdistanî no xoverdayîşî ra wayîr bivejyî. Ewro xoverdayîşê ma têkoşînê şar û gerîlayan de aver şono. No xoverdayîş zî do hetanê azadîya şarê kurdî û Rayber Apoyî bidomyo. 


Heta ke dagirkeran biqewirnime

Dengtav Amed: Nika dewleta mêtinger Kurdistano Vakur de qirkerdiş kena. Taybetê zî na dewlete warê xorayîrberdişê Sûr, Cizîr û Silopî de qirkerdiş kerd la şarê ma yê Vakurî qet xoverdayîşê xo ra fek veranêdano, ma zî no xoverdayîşê înan silam kenî. Wa şarê ma bizano ke tena nîyî. Vîrdozîya şarê ma esta, gerîlayê şarê ma estî. Dewleta mêtinger nêeşkena xoverdayîşê şarê kurdî bişikna û şarê ma çin bikera. Ganî her kes no xoverdayîşî ra wayîr bivejyo. Eke ma serbikewî, ma do Kurdistan de kultir û aştî reyde biciwî. Ma do hetanê nê hêzê dagirker û faşîstan Kurdistanî ra bierzî û Kurdistanî azad bikerî, xoverdayîşê xo bidomnî. 


Dûştê çeteyanê AKP xoverdayiş

Nizar Şîyar: Eyro şarê Amed, Sûr, Cizîr, Silopî û Mêrdîn de mîyanê xoverdayîşî de yî. Xoverdayîşê eyroyin ê şarê kurdî de avantajî zaf î. Eyro xêzê Rayber Apoyî de şarê ma xoverdayîşê xo domneno û gerîlayê şarê kurdî estî. Amed cayê xoverdayîşê Mazlum Doganî, Cizîr zî cayê xoverdayîşê Berîvane yo. Nika Amed û Cizîr de şarê kurdî bi tanq û topan yeno qirkerdiş. No ser zî ganî şarê ma xoverdayîşê Kurdistanê Vakurî ra beşdar bibo, senî ke şarê ma dijî çeteyê DAIŞ xoverdayîşê bêhempa da, eyro zî do dûştê çeteyê AKP xoverdayîşê bêhempa nîşan bidî. 


Tekoşîna xo hera kenime

Vîyan Zîlan: Kurdistan de domanê 5 serre daxî, destê çeteyê AKP de ame qetilkerdiş, şarê kurdî bi ganî ame veşnayîş. No ser zî ganî xoverdayîşê azadî ra şarê ma wayîr bivejyo. Ganî xoverdayîşê Nisêbîn, Sûr, Silopî û Cizîrî pêroyîya Kurdistanî ra vila bibo. Taybetê şarê ma yê Serhatî na ravêreye ra wayîr bivejyî. Eke no xoverdayîş vila bibo, Rayber Apo ser do tecrîd biwarzo û Rayberê ma azad bibo. Ma seba ci vanî ke ma do heta ke na ravêreyeya dîrokî hîna hera û gird bikerî, têkoşînê xo bidî domnayîş. 


Çeteyê AKP têk şî

Jînda Kurtay: Eyro şarê ma xoverdayîşêko gird nîşan dano. No xoverdayîşî zî hişmendîya û rayvistişîya şarê kurdî nîşan dano. Eyro xoverdayîşekê şarê kurdî nîşan dano zey verên serehewanayîşê Şêx Seîd, Seyîd Riza û Bedîrxanî nîyî. No demî qehramenîya ke gird ameynî nîşan dayîş labelê rayvistişî çinî bî, no ser zî sernêkewtênê. Eyro şarê kurdî xo rayvist kerdo û no ser zî ma xoverdayîşê înan silam kenî û firaz kenî.  


 ANF/BEHDÎNAN