Merkezê Yewîya Komeleyê Êzidîyan (NAV-YEK) îzehetêko nuştekî da û îzehetê xo de veng da heme êzidîyan ke wa wayîrê projeyê Xoserîya Demokratîke ya Şengalî bivejyî û yewîya xo awan bikerî.
NAV-YEKî îzhetê xo de vato ‘demanê peyênan de çîyê ke hetê komelê êzdixanî ra ameyî qezençkerdiş, bi xerîtaya Xoserîya Demokratîke ya Şengalî erzîyayî pratîk’ û îzehet wina dewam kerdo: “Herçiqas ke dişmenî hewl dayî Şengal û Rojawan de qezencanê ma destê ma ra bigîrî, labelê sernêkewtî. No çîyêko rûmetin o.”
NAV-YEKî dewamê îzehetê xo de wina vato: “Ewro Kurdistan de vera dagîrkeran de qehremanîyêka girde yena nîşandayîş. Cok ra ganî êzidîyî teberê welatî de bêveng nêmanî. Çîyê ke ameyî qezençkerdiş, bîyî malê komelî, bîyî pîroz û pawitişê êzdixanî. Nê semedî ra ma vanî vera helênayîşê êzidîyan de lazimî xo rêxistinekerdişî esta. Ganî na çarçewa de ma wayîrê YJŞ û YBŞyî bivejyî û beşdarbîyayîşî xurt bikerî.”
NAV-YEKî peynîya îzehetî de wina vato: “Na çarçewa de vengdayîşê ma heme xebatkar û komeleyan rê o yo ke wa bi ruhê seferberî beşdarê Xoserîya Şengalî bibî.
ANHA/QAMIŞLO