Fermandariyên Yekîneyên Berxwedana Şengalê (YBŞ), Yekîneyên Jinên Şengalê (YJŞ) derheqê operasyonê Mûsilî de damûstayîneke pîyayî day. YBŞ û YJŞ vistî vîr ke no di serrî yo ê dûştê çeteyanê DAIŞ herb kenê.  Damûstayîn de vajîya ke Şengal yew herêma tewr muhîn yê wîlayeta Mûsilî ya û  quwetê ewilî yê ke na mintiqe pawenê quwetê YBŞ û YJŞ yê. YBŞ û YJŞ day zonayen ke cok ra operasyona Mûsil û îdareya ke badê xelesnayişê Mûsilî de bîro ronayen, ma nezdî ra eleqedar kenê. 

Sîstema ke Êzidî mîyan de nîyê do demokratîk nêbo Damûstayîna Fermandarîya YBŞ û YJŞ de vistîya vîrî ke ferman û îşgala ke dûştê şarê Êzidî virazîya, Mûsil ra amê rayveberdiş û wina vajîya: “Însanê ma tîya de amey kiştiş, veşnayiş û hona zî bi hezarî mordemê ma tîya de hêsîr ê.  Hona zî hêrişê (galim) dûştê Şengal Mûsil de yenê organîzekerdiş û hêrişkarî ewja ra yenê. Zewbîn, rayverîna ke badê xelesnayişê Mûsilî bîro ronayen, ma nezdî ra eleqedar kena. Cayo ke nakokîyê mavêna şaran û mezheban yeno ciwîyayen de, sîstemekê rayverîyê ya ke îrade, çand û îtiqata civaka ma ya Êzidî qebûl nêkeno, do demokratîk nêbo û ma dê zî sîstemekê ke demokratîk nîya qebûl nêkerê. Mûsileke ke quwetê îradeyê şarê ma temsîl nêkenê ci de bibê, dê civaka ma ya Êzidî temsîl nêkerê. Eke sîstema ewja bîro ronayen, ser esasê weşbîyayişê şaran, mezheban û îtiqatan nêbo, na do tewr vêşêr zî şarê ma yê Êzidî tehdîd bikero.”

Îşgalî ti wext qebûl nêkerê.”

Dewamiya damûstayîn de YBŞ û YJŞ aşkere kerdî ke dejê giran û tecrûbeyan day mûsnayen ke ganî ê hinî qederê xo nêfînê destê kesî û vatî, ‘nayî ra wîlayeta Mûsil ke Şengal zî girêdayê ci ya, ma nezdî ra eleqedar kena.Damûstayîn de hayr ancîya deq û dolabanê dewleta Tirk yê ser Mûsilî û wina vajîya: “Taybetî Mûsil de estbîyayişê  dewleta Tirk,  îşaretê komkiştenanê newî yê dûştê şarê ma keno. 74 fermanan ra 65ê ci yê ke ameyê ser hometa ma, hetê Osmanijan û dewleta Tirk ra virazîyayê. Şarê ma nayî xo vîr ra nêkerdo, do xo vîr ra nêkero zî. Estbîyayişê dewleta Tirk na mintiqe de hewldayenê ferman û îşgalanê newî yo. Ma dê na îşgalî ti wext qebûl nêkerê.”

Damûstayîn de YBŞ û YJŞ vistî vîr ke, rêxistin û bîyayişê înan hetê hikûmeta navendî yê Iraq yeno qebûlkerdiş û wina vajîya: Di serran ra vêşî yo, wîlayeta Mûsil de ma bi rengekî aktîf dûştê DAIŞ tekoşîn danê. Nê rojan de ke operasyona Mûsil destpa kena, ma pawenê ke hikûmeta Iraq têkoşîna ma  fermî bikero. Cok ra ma wazenê ke hikûmeta navendî tewrê xo zelal bikero û bi şiklekê fermî ma sîlayîyê operasyonê xelesnayişê Mûsilî bikero. 


ANF / ŞENGAL