Başûrê Kurdîstanî ra grûbêkê parlamenteran veng da ke wa Meclîsê Başûrî seba Rojawanî kom bibo. Waştişê parlamenteran ser o kombîyayîş ame viraştene û Parlamenterê YNKyî Osman Sederîyî qisey kerd. Parlamenter Sederîyî da zanayene ke o amade yo ke seba Rojawanî şer bikero.
Sederîyî qiseykerdişê xo de bale ante hêrişanê dagîrkerî ser û wina va: “Ganî no het de qerarê cîddî bêrî girewtene. Çimkî ti sebeb werte de çin o ke Tirkîya hêrişê Kurdanê Rojawanî bikero. Ganî Meclîs bi hawayo fermî îzehet bido û hêrişan şermizar bikero. Reyna ganî Meclîs qerar bigîro û hêz bierşawo Rojawanî. Ez sey parlamenterêkî amade ya ke Rojawan de şer bikera.”
Heto bîn de Serekê Grûba PDKyî Omid Hoşnawî zî qisey kerd û wina va: “Ganî Meclîs goreyê qanûnan hereket bikero û babeta Rojawanî de tewirêko hempar bêro girewtene.” Heme partîyî bi babeta Rojawanî de kombîyayîşî de yenî fikir de yî. Xora partîyanê Tevgerê Goranî, Komeley Îslamî, Îslamî Yekgurtu seba ke kombîyayîşêko lezgîn bêro viraştene, veng dabî.
ANF / HEWLÊR