Hemverfekê Kongreya Demokratîke ya Şarî (HDK) Prof. Dr. Onur Hamzaogluyî derheqê polîtîkaya zere û teberî ya AKPyî de qisey kerd û vînayîşê xo ard ziwan.
Hamzaogluyî va ‘donemêko ke muxalefetê komelkî zaf berz bîyo de sosyal demokratan vetişê vernî şaşîyêk o’ û wina dewam kerd: “Eynî rewşe weçînayîşê 1973 û 1977î de zî ameybî cuyayîş. O wext zî muxalefet berz bîyêne labelê CHP yan zî sewbîna hêz rayberî nêkerdêne. Ewro zî lazimî bi sosyal demokratan esta labelê ganî rayberî bi înan rê nêro verdayîş.”
Hamzaogluyî dîyar kerd ke yê ke xo tevgerê kurdan ra cîya kenî, ganî têkşîyayîş û şaşîya çepgiranê Tirkîya yê 1973 û 1977î ser de cigêrayîşan bikerî û wina va: “Ez nêyî înan rê pêşnîyaz kena. Çimkî sosyal demokrasî mîyanê sîstemî de yo. Helbuk rayîrê azadî, seyyewbînanî û demokrasî o yo ke ganî merdim xo sosyal demokrasî ra biqerfno. Ganî herinda CHPyî de merdim yewîya çep û sosyalîstan awan bikero û hîra bikero. Lazim o yê ke vera faşîzmî de têkoşîn danî, kuma xo ronî vernîya xo. Heta ke ma bi hawayo topyekun têkoşîn nêdî, rîskê vînîkerdişî zêde beno. Ganî çep û sosyalîstî nîyetê xo ronî hetêk de.”
MA/STENBOL