Irmak dîyar kerd ke armancê no hewldayişê di destê çeteyê DAIŞî nê cenîyan xeliskerdiş o û wina vat: “Ma do taybetî seba rehabîlîtekerdişê nê cenîyan û nê zilmê çeteyê DAIŞî dinyaye ra famkerdişî ser bixebitî, do ma elaqayê heme dinyaye rewşa cenîyê êzidî biancî. Ma tena bi nê xebatan nêvindertî û do ma heme waran de têkoşîna xo bidomnî. Dema ke çeteyê DAIŞî destpê terteleyê kerdî na roj ra nika ma xebatê xo domnenî. Ma ra yew heyet şî Heremê Kurdistanî ya Federalî û di uca de cigêrayiş kerd û peynî zî yew rapor hadre kerd û bi no raporê no hewldayiş ame ronayiş.”
Lanetkerdîşê DAIŞ
Irmak ciresna ke cenî û heme sazîyê Kurdistanî reyde no hewldayişê ronayî, armancê no hewldayişê hîna hera waran vilakerdişo, ê wazenê heme sazîyê Kurdistan û Tirkîyayî beşdarê no hewldayişê bikerî. Irmak çalakîya hewldayişê ser zî wina vat: “Ma wazenî di mîyanê no têkoşîne de veng bidî. Ma fikrîyenî verba cenî ser şîdetî de çi bikerî. Tena aşkeradayiş, meş û lanetkerdiş qiym nêkeno û nêeşkeno na zîhnîyetî peynî bikero.”
JINHA/AMED