Çend rojî verê dozgerîya Anqara bi qanûnê 301. derheqê Komeleya Heqê Merdiman (ÎHD), Weqfa Heqê Merdiman ya Tirkîya (TÎHV), Sendîkaya Kedkaranê Weşî (SES), Komeleya Heqê Merdiman û Piştîdayîşê seba Mazluman (MAZLUMDER) de bi îdîaya raporê ko wextê qedexeyê tebervejîyayîşî de ameyî amadekerdiş de ‘heqaretê tirkî, komare, dewlete û sazîyê dewlete bîyo’ ra tehqîqat daye destpêkerdiş.Babete ser o Îdarekara ÎHDyî ya Amedî û Endama Komîsyonê Cinîyan Gulistan Gencel Yalçindage qisey kerde.
Ma eşkenî hesab bidî
Yalçindage bale ante neheqîyan ser û wina va: “Heta nika ma ti kesan rê neheqî nêkerde. Sazîya ma hetê yewîya şaran, aştî û azadî de xebatan kerde. Ma amadekerdişê raporan de zaf hesas hereket kerd. Xebatê ma ra yew zî raporê heqan o. Badê amadekerdişê raporan, ma netîce tim bi şaran pare kerdêne. Derheqê raporan de hesabo ke ma nêşînbî bidî, çin o. Yalçindage peynîya qiseykerdişê xo de wina va: “Amadekerdişê raporan û parkerdişê netîceyan, heqê ma yo xozayin o. Rewşa OHALî de bi qerarê KHK sazî û sendîkayê ma ameyî padayîş. Rewşa OHAL û dergkerdişê OHALî çîyêko antî demokratîk o. Vatişê şer û şîddetî, çareserî û aştî nêano. Seba demokratîkbîyayîşî, ganî OHAL bêro wedarnayîş.”
AMED