Nuştoxanê Rojnameyê Ozgur Gundemî yo ke çarçeweya OHALî de amebî padayîş, Şaban Îbayî derheqê bedilîyayîşê qanûno bingeyî yo ke Meclîs ra derbaz bî û prosesê referandumî ser o qisey kerd.Îbayî va ‘bedilîyayîşê qanûno bingeyî do problemanê Tirkîya çareser nêkero’ û wina va: “Nê problemî ancax bi newe ra awanbîyayîş çareser benî. No zî bi zaf kamî, zaf kulturî û zaf bawerî mumkun o. Her çiqas ke OHAL esto zî ganî çekûya boykotî û fikrê sey ‘bes nîyo la reyna zî ya’ nêbî. Ganî her kes dormeyê ‘nê’yî de kom bibî û cepheyêka ortaxe awan bikerî. Ganî taxan de ‘Meclîsê nêyî’ bêrî awankerdiş. Îbayî peynîya qiseykerdişê xo de wina va: “No proses de ganî HDP û HDP wezîfeyê motorî bigirî ser milê xo. Eke wina bibo ancax o wext netîceyê referandumî bedilîyeno. Ganî kesê çepgir, sosyalîst û demokratî ke mîyanê CHPyî de yî zî biancîyî mîyanê têgêrayîşêko ortax. Eke referandum de nêro qebulkerdiş, o wext do AKP weçînayîşo verwext bivirazo. Eke wina bibo, o wext do MHP parçe bibo û AKP zî îqtîdar ra bikewo.”
GOKHAN ONER / DÎHABER / ÎZMÎR