Tirkîya de donemo ke heme dezgeyê çapemenîya muxalîfe çarçewaya OHALî de ameyî padayene, rojnamegerî ameyî tepiştene û tewqîf bîyî de bi nameyê Gazete Fersude de keyepelêko newe dest bi weşanî kerd.
Gazete Fersude bi siloganê ‘Seba resayîşê raştîye gamêk’ dest bi weşanî kerd û heyetê weşanî yê keyepelî de rojnameger Hayrî Tunç û Ercan Ayranci estî û derhênerîya keyepelî M. Ekrem Ergul keno. Derhêner Ergulî va ‘Tirkîya donemêko krizin ra derbaz beno’ û wina domna: “Ma vera nê talanî dest bi weşanêko kolektif kerd.”
Hayrî Tunçî zî wina va: “Ma bi ameyîşê têhet yê grûbêka rojnamegeran çîyêko winasî awan kerd. Ma do Fersude bikerî mektebêk. ”
Ercan Ayranciyî zî dîyar kerd ke ê raştîye gêrenî û wina dewam kerd: “MA bi gêrayîşê raştîye dest bi weşanî kerd.”
MA/AMED