Rayşîyayişê derg yê gencanê kurd ke verîya festîval roja verî bi şîyara “Em Rabin bi tolhildan, têk bibin dagirkerî, azad bikin Rêbertî“ sûka Almanya Dûîsbûrg ra vera Koln destpa kerd, vizêr roja diyîn de dewam kerd. Rayşîyayişê derg yadê kesê ke xoverdayişê xorayverînan de weşîya xo kerdî vinî beno.
Nûmayişê gencan vizêr sodir seat 10.00 de ver Merkezê Civaka Kurd de destpa kerd. Nûmayişo ke hetê Ciwanên Azad ve Jinên Ciwan ên Azad organîze beno de gencan sloganê zey “Bê Serok ciwîyayiş nêbeno”, “PKK şar o, şar tîya de yo” û “Terorîst Erdogan” berz kerdî.
Tekoşîna weşîya azad ramena
Parlementerê HDP yê Şirnex Faysal Sariyildizî bi rihê xoverdayişê Bakûrê Kurdistan gencan selamî kerd û hayr ant muhîmîya pêvaco û 1ê Îlone Roja Haştî ser. Sariyildizî vist vîrî ke rihê xoverdayişê Bakûrê Kurdistan, xoverdayişekê tarîxî bi û va, ‘xoverdayişekê omid da ma bi. Quwetê kolonyalîst, faşîst, destpotîk ewro Rojhelata Mîyanî kirêşnenê kaosî. La Hereketê Azadî bi rayverîna Rayver Apo de seba şaranê Rojhelatê mîyanî, seba înşakerdişê weşîya azad tekoşîn dano.’
Nûmayişkarê genc ke Dusseldorg ra kewtî ray vizêr 25 kîlometre ray şî û resîyay Grevenbroîch. Ewro zî Grevenbroîch ra verê xo danê Leverkusen û dê 3ê aşme de biresê Koln û tewrê Festîvala Kulturî yê Kurd bibê.
ANF/DUSSELDORF