Şexs dê gerîla Xelîl Jêhat, Kawa Çekdar, Lecwan Mûnzûr, û Çekdar Botan de pêrokîn şehîdê Kurdistanî vîr amey.
Vîrardena ke hetê Berlîn NAV-DEM û Meclîsê cenîyan Dest-Dan ame organîzekerden de Xelîl Jêhat (Mehmet Şîyar Ozer) ke 24ê Tebaxe 2016î de Licê de, Kawa Çekdar (Vakkas Tumen) ke wextê xoverdayişê Nisêbînî de, Lecwan Mûnzûr (Adîl Sunger) û Çekdar Botan (Rûhat Tabak) ke wextê bombevornayenenê teyareyanê tirk de weşîya xo kerdî vinî amey vîrarden. Salona kombîyayişî de seba şehîdan quncikeke amê hadrekerden. Merasîm de hayr ancîya tekoşîn û xoverdayişê cangorîyanê kurd ser.
Paradîgmaya Birêz Ocalanî vilayê dinya bena
Merasîma ke pawitoxa Rayverê Şarê Kurd Abdullah Ocalan Newroz Uysal ra pîya bi desan Kurdistanijî tewr bî bi jew deqe vindertişê hurmetî destpa kerd. Qiseyanê temsîlkaranê sazgehan û yê Kurdistanijan de hayr ancîya maneya şehîtbîyayenî ser û sozê girêdayişê tekoşînê şehîdan ame dayen. Sînevîzyono ke derheqê ciwîyayişê Xelîl Jêhat (Mehmet Şîyar Ozer)'î de amebi hadre kerden û qiseyê Kawa Çekdar (Vakkas Tumen)'î ke wextê xoverdayişê Nisêbînî de kerdibî bi slogananê 'Şehît nêmirenê', 'Biciwe Serok Apo' amey selamî kerdiş. Pawitox Newroz Uysal hayr ant tecrîdê verra Ocalanî ser û vist vîrî ke paradîgmaya Birêz Ocalanî rojdema dinya de ya. Uysal da zonayene ke AKP seba şikitişê tekoşînê verra tecrîdî kayê ciya visto dewre. Newroz Uysal seba serbestîya Ocalanî vengê berzkerdişê xoverdayiş û tekoşînî da.
HIDIR ATEŞ / BERLÎN