Çalakîyê Kurdistanijan yê seba serbestîya Rayverê xo Ocalanî ramenê. Gencê Kurd zî seba na waşten ser payan de yî. Ciwanên Azad û Jinên Ciwanên Azad, seba wedarnayîşê tecrîda ser Rayverê Şarê Kurd Abdullah Ocalanî, 9’ê Tebaxe ra tepya sûkanê Fransa, Elmanya û Swîsre de vejyenê meydanan û çalakîyanê cîya cîyayan virazenê.  

Hereketê Ciwanên Azad û Jinên Ciwanên Azad, do çalakîyanê xo yê seba serbestîya Rayverê Şarê Kurd Abdullah Ocalanî aşma Çile de day destpêkerdiş, mîyanê aşma Tebaxe de zî biramnê.  Komîteya Çalakî yê Ciwanên Azad derheqê babed de damûstayîna nuştekî weşîna û tecrîdî rê reaksîyon damûsna. Komîteyî vist vîrî ke Ocalan serra 1999î ra na het, Girotxaneyê Îmrali de bin îzolasyonêko giran de yo.


Wazenê her roj bikerê ‘Roja Tarî’

Ciwanên Azad hayr ant manîkerdişê pêdîyayîşanê bi malbat û pawitoxan yê Ocalanî ser û aşkere kerd ke rejîma Erdogan-Bahçelî ya faşîst wazena bi girankerdişê tecrîdî ra her roj şarê Kurd ra bikero ‘Roja Tarî.’ 

Komîteyî vist vîrî ke ciwanê Kurdistanî vera tecrîdî her tim mîyanê çalakîyan de yê û wina dewam kerd: “Ma çarçewayê kampanyaya 'Azad bike' de ke ma aşma Çileya 2017 de da destêkerdiş û seba azadkerdişê Rayver Apo ma çalakîyan viraştî, ma do çalakîyanê xo hîna hera bikerê. 


Gencî do mesûlîyetê xo bîyarê ca

Komîteya Çalakî ke do çarçewayê kampanyaya 'Azad bike' de çalakîyan virazo wina veng da gencan: “Ma veng danê pêrokîn gencê ke Ewropa de yê, şarê xo û dostanê şarê Kurd, rêxistinanê sosyalîst û enternasyonalîst ke tewrê çalakîyanê ma yê 9, 12 û 19'ê Tebaxe bibê. 


Dem û adresê çalakîyê ke bîrê viraştiş wina yo: 

* Hambûrg: Do 12'ê Tebaxe saet 16:00 de Gansemarkt de meş dest pêbikero. 

* Dortmûnd: Do 12'ê Tebaxe saet 16:00 de HBF de meş dest pêbikero. 

* Parîs: Do Meşa merkezî 9'ê Tebaxe (ewro) virazîyo.

* Marsîlya: Do 9'ê Tebaxe (ewro) saet 19:00 de La Canebîere de meş dest pêbikero.

* Strasboûrg: Mavêna 9 û 11'ê Tebaxe de do ver Katedrala Strasboûrgê xêm (kon) bîro ronayene. 

Do 12'ê Tebaxe saet 19:30 de ver Îstasyona tren ya Strasboûrg de meşa bi meşaleyî  dest pêbikero.

* Basel: Do 19'ê Tebaxe saet 16:00 de  Dreîrosenbrucke de meşa merkezî navendî dest pêbikero.  


 ANF/NAVENDÊ XEBERAN