Gerîlla, zerrîstanê Kurdîstanê de vila  gulîstanê yo. Telîyê sûrgule û gulşîlane yo.

Gerîlla, zerrîstanê Kurdîstanê de hewar û şimşîrê qisas girewtişê Şêx Seîd û Seyît Riza yo. Besê û Zerîfe yo.
Gerîlla, serekoyanê Kurdîstanê  de zê paşpaşokê asîmanê, neyaran neqirkeneno.
Waranê serekoyanê ma de, gulware maw o.
Gerîlla,  wesaranê Kurdîstanê de, gulwesare Kurdîstanê yo.
Gerîlla, ser dişmenê ma de, wirso yê  qisas girewtişî yo.
Gerîlla, cîhanê de, nurcîhanê şarê Kurdî yo.
Gerîlla, zerre şarê Kurdî de, gulrîye, gulkêna, şayîgule,şayîvile û şewçila yê Kurdîstanê yo.
Gerîlla, seba qij-tut- û ciwanê Kurdan, hewî, vilazadî, vilbehişte,serdilo û  zerrîpake Kurdîstanê yo.
Gerîlla, zerrîyê kêna û dayî yê Kurdan de, zerrîşade, zerrîşaye, gul û vilcîhane, gulgûnê Kurdîstanê yo.
Gerîlla, seba pêronê Kurdîstanê, şayîdar, şewledar, şitilazadî yo.
Gerîlla, pê gonê xo, gan û can dano, deşt û newalê Kurdîstanê.
Gerîlla,  zerre qeze û bajarê Kurdîstanê, zerre  dişmenê Kurdan de ters virazeno. Lerz virazeno.
Gerîlla, mi paweno, tu paweno, şima paweno û ma pêro paweno.
Seba nayê, şarê Kurd pê gerîlla sereberz beno, pê gerîlla şa beno, pê gerîlla baweri xo xurt keno.
Gerîlla seyî, bê azadî, bê serkewtinê û bê xelasiya Kurdîsanek Azad, koyê Bakurê Kurdîsta veredano û şino Başurê Kurdîstan.
Wexto ke, Serekê Şarê Kurd Abdullah Ocalan qonaxê rizgariya demokratîk da destpêkerdiş, wa; “No qonax tena bi gam eştişê PKK nêbeno”. Wa; “Gera dewleta Tirk û Hukumatê AKP zî gam bierzo.
Eger gam nêerzo, ma qanox yew hetê ra nêramenê”.
Zê Abdullah Ocalan va, eynî hina bi. Dewleta Tirk û AKP qet û qêt yew gam zî nêeşt.
Ser nayê zî KCK, tepaşîyayîşê(pêsersîyayîş) gerîlla ver bi Başur ra da vindertiş.
Bi no  qerarî, gerîlla serekoyanê Bakurê Kurdîstanê de zê şêrê serekoyan, koyanê ma bipawo. Zê vil û gulware ma, waranê ma şayîdar bikero.
Gerîla, zê paşpaşokê asîmanê Kurdîstanê, ser koyanê ma de ê  bi pero û govend bikero.
Heta Kurdîstanêk Azad awan bibo, ê  hina dewam bikero. Seba pawitişê Kurdîstanê Azad zî gerîlla biyayîşê xo dewam keno. Kam ke nêzano wa, na raştî weş bizano.
Koyê Kurdîstan  bê gerîlla, gerîlla bê koyê Kurdîstan bê beno.
Şarê Kurd, tut, kêna, laj, dayî, baw û pîr, pîrika Kurdan bê gerîlla nêbenî.