Goreyê cigêrayîşan 3 aşmanê peyênan de 47 û 14 serranê peyênan de zî 31 hezar daristanan de şewat virazîyayo. Cigêrayîşan de sebebê veşayîşê daristananê Tirkîya, se ra 90 merdim î.
Her veşayîş yeno mehneya wişkîya tebîetî. Dinya de her serre 1050 mm varan vareno, labebelê goreyê îzehetê Karê Awe yê Dewlete (DSÎ) Tirkîya de 643 mm varan vareno. Her çiqas ke Tirkîya bi cografyaya xo ya behr û çeman yena zanayîş, reyna zî rewşe wina nîya. Tirkîya tebîetî kerda bin kontrolê santralanê hîdroelektrîkan. Îdarekarî vajî kêmîya awe çin a zî rêjeya awe barajanê Stenbolî ra yeno dîyayîş ke Tirkîya de wişkî esta.
Dengeya tebîetî bi birran bena
Babete ser o Kampanyaya Heqê Awe ra Dr. Akgun Îlhane qisey kerde û wina va: “Goreyê NASA Tirkîya de wişkîya 900 serran yena cuyayîş. Rêjeya awa barajan, rewşa Tirkîya nîşan dana. Dr. Malîn Falkenmarkî serra 1989î xebatêk kerd û nufusê pêroyî yê welatan û potansîyelê çimeyanê awe muqayese kerd. Goreyê netîceyî sereyê kesêk 1700 metrekup awe kewena û wexto ke rêje bikewa o wext do rîsk bivirazîyo.” Akgune va ‘goreyê cigêrayîşan Tirkîya de do serra 2023î de do sereyê merdimêk 1125 metrekup awe bikewa’ û wina qedênaye: “Na rewşe yena manaya wişkîya awe. Îzehetê zûrin yê îdarekaran çareserî nîyî. Birnayîşê dare û veşayîşê daristanan benê sebebê bedilnayîşê îklîm û zêdebîyayîşê germîya hewayî.”
ŞÛJIN/STENBOL