Goreyê daneyê TUÎKî, Tirkîya de bêkarî resa rejêya seyî ra 13.7î, hûmara bêkaran zî vejîya 4 mîlyon 394 hezar kesî ra. Şirnex de rejêya bêkarî zaf bi berz a. Taybetî şaristan serrê peynî bi îlanê mintiqayê ewleyî yê taybetî ser o karê pezkarî sînorê ver bi qedyayişî de yo.
Rîyê Vîrûsê Koronayî ser Berê Sînorî yê Haburî ame girewtiş, girewtişê berî ser zî bi hezaran kesî bêkar mendê, hewna girewtişê berî ser o zaf hûmarî kelmelî ra zam ame. Esnaf Mehmet Emin Acar babete ser o vat ke bêkarî zaf zêdîya, seba kelmel rehetî nînê dîyîş , fîyatê kelemelî zî zêdîyayê. Abdullah Elçî zî destnîşan kerd ke nika kîloyê rewenî bîyo 140 TL û wina domna: “Seba girewtişê berî ser o zaf esnafî nika îflas reyde rî bi rî mendê.” Ayşe Demî zî pare kerd ke zêdîyayişê fîyatê kelmelan şer û nêweşîyê mîyanêneteweyî ra qewimyenê.
MA/ŞIRNEX