Gos biderê vengê vîcdanê xo
Jû hefte ra tepiya jû demi de newe destcikeno. No seni beno, bi peyniya weçînîtîsana beno zelal. Na hefte peyen de reyna vîneme kî, nî weçînîtîsî zaf muhîmî. Çiye de en muhîm bend vernayena HDP ya. Bend vernayena HDP, yena mana serkewtîna şaran, serkewtîna şoreşgeran.
HDP ra tersene, tersê înan reyna misneno kî HDP raya rast de sona. Iyê ke xo estê peyê qanûnê darbeyan, xo uca de darene we, virniya HDP, virniya şaran guretene ser her çî kî anê kar ardene. Bend vernayana HDP seweta çarekerdena meselayanê Tirkiya, meseleyê kurdan, meseleyê ceniyan, alewiyan jû çixir kene ra. Ho ra tersê înan kî naca ra yeno.
Nêwazene meseleyî çare bibê. Her tim nî meseleyan serra xo weyî kenê. AKP’yîzî kata ke sono bi zonê dismeniya qeseykenê. Kam ke înan ra ferqin fikirîno, îman keno, beno hedefê înan. Avê her ca de estê rêxistinanê HDP ser.
Dime ra kî bombe kerdî bananê HDP, na heftê pêyene beno ke hersê xo jede bibo. Adir bikero binê Tirkiya. Nî weçînîtîsan de reyê elewiyan zaf muhîmî. Elewî tarix ra na het her tim rastê terteleyan, nêqiyan ame. Siftê virena jû alternatîfî ci rê vejiyo, a kî Partiya Demokratîk yê Şaran a. Verva iyê ke şaran û elewiyan kisene, zilm ci rê kenê, raya xo zelal bikerê.
Na reye, raya hesab pers kerdena. Na reye qûwetê jûvîn dayena. Ez kî naca ro, haqê min kî este vatena. AKP jê tarixê xo verva şaran û îtîqatn ciyakarîne kena. Gunê pêro iyê ke hetê na dewlete ra nêne diyayene, na firsatê girs vînd mekerê.
Rojawa, Suriye de niya de rê, niya şerê sandiqan ser. Her roz hereme de pêrodayiş jedena beno giran. Bin ra hata cor Rojhilatê Miyan zerrê gonî de ra. AKP kî nayê ra bena sa. Fekê înan ra kam çî qese kî vejiya, teyna vengdayisê pêrodayiş o.
Co ka nayê bîvînerê, teyna kurdî nê, elewî, cenî, gencê kam ke raya îna de nêsono hedefê înan de rê. AKP pêrodayişe de girs ana çeberê sima. Nayê bivînerê, waxte rey dayene de nayê biyarê verê çimanê xo, hîn rey biderê. E ke vanê ma haştiye wazeme, ma têdustiye, demokrasî, haq-edelet wazeme, gorê ayê şerê sandiqan ser, reyê xo biderê omidê şaran, ameyana demokratîk Partiya Demokratîk yê Şaran....
