Qedînayişê perwerde ra dima Zangehê Çukurova de bi karê doskarîya dest kerd gurenayis. Gurbettelî nî serran de bi kovarê Hedef ê şoreşgeran eleqeyê xo jede kerd. 1989 de waxto ke sifte virene ame pêguretene hona 24 serrî bî. 4 serrî zerrê de mend û dima ra restê serbestîya xo. Gurbetellî Ersoz tekoşîna xo rê bi rojnamevanî dewam kerd. Rojname Gundem de dest kerd gurenayisî. Î serrê çapemeniya serbest sero zorvajiya dewlete kî merhele corî de bî. Rojnameyê Ozgur Gundem 10ê asma zimistanê virene 1993 de roza Heqanê Mordemîye de hetê seyan polîsan ra rastê serestis ame. Pêro emegdarê ci ameyî pêguretene. Tayê ci eynî roza ameyî raverdayene. Hama, Gurbetellî Ersoz û 17 gurekarê rojname cerîyayî binêçim. 13 roze binê îşkenceyanê girananî de mendî. 23ê Kanûne 1993 de reyna amê pêguretene û erjîye zîndanî.  Ersoz, 6 asme ra vejîye teber, na reye ke bîyê hedefê tehdîtanê qontrayan.

Rîyê xo çarna koyan
Serva Gurbetellî Ersoz hem şerte karê xo kerdene, hem kî şertê weşiya ci nêmendî bî. Dûstê pêro zorvajiye de ayê rojnamavaniye rê dewam kerd. Tewr peynî de riyê xo çarna koyanê serbest yê Kurdistan. 1995 de linga xo bi zerrê weşîya gina wela Kurdistan. Gurbetellî 1997 de Zap de Qerargehê YAJK de karê sermîyayene guret. Sayekerdena serbestiya cenîyan de hem fermandare û hem kî emegdarî bî. Onca fîlozofa olwozanê xo bî.

Xeyalanê ci anime ca

Ersoz 7ê Cotmehe 1997 de netîceyê operasyonê arteşa Tirk û PDK  mintiqeya Gare de, bi 26 hevalanê xo ra piya weşiya xo kerd vîndî. Peyê xo de rixmê weşiya xo kilm, ciwîyayiso ke bi sayekerdena serbestî û xoverdayişa vero caverda. Ewro bi seyan cenî raya Ersoz de tekoşîne dane ramitene.  7 Cotmeh bi sebebê şehadetê Gutbetellî Ersoz, sey Roja Rojnamegeranê Cenî ê Kurdistan ame îlankerden. Rojnamegerê ke Kurdistan de xebityene Gurebetellî Ersoz yad kerd. Rojnamegeran arde zûne ke waxtê Gurebetellî ra hetûn êr Tirkiye de tiwa nêbediliyo. Rojnamegeranê Cenî dazûnayene ke rayeyê Gurbetellî Ersoz ra şinî û rojanê tarîyan ra pîya vecîyene.

NAVENDÊ XEBERAN