Merkezê Cinîyan yê Utamara derheqê Saray Guvena ke 1ê êlule de daristanêkî Frankfurtî yê Almanya de bi hawayo qetilkerde ameybî dîyayîş de, îzehetêko nuştekî da.
Îzehet de bale ancîyayo hetê zîhnîyetê camêrdî ra qetilbîyayîşê cinîyan ser û wina ameyo vatiş: “Zîhnîyetê camêrdî qetilkerdişê cinîyan domneno. Her roje zîhnîyetê camêrdî vera cinîyan de îstîsmar, şîddet, tecawiz û qetlîyamanê xo zêdneno.”
Îzehet de qala prosesê qetilbîyayîşê Guvene zî ameyo kerdiş û îzehet wina dewam kerdo: “Saray Guvene wexto ke 20ê Tebaxe de karê xo ra ameyêne, 14 rojî ra dima cenazeya ci daristanêk de ameye dîyayîş. Saray Guvene bi hawayo plan û rêxistine ameya qetilkerdiş. Zîhnîyetê camêrdî wexto ke cinîyî benî îrade û camêrdêk red kenî, hêrişê cinîyan keno. Ti cînayetê camêrdî tesaduf nîyo. No cînayet vera waştişê cuyêka azade ya cinîye de ameyo kerdiş. Ma na zîhnîyeto qetilkar şermizar kenî.”
Peynîya îzehetî de wina ameyo vatiş: “Se beno wa bibo, seba vindarnayîşê şîddet û hêrişan, ganî ma wayîrê cinîyan bivejyî. Ewro rêxistinî û zanayîşê cinîye her ke şono hîna aver şono, cok ra zîhnîyeto qetilkar mehkûmê têkşîyayîşî yo. Tena wa cinîye wayîrê îrade û hêzê xo bivejyo, bes o.”
NAVENDA XEBERAN