Bajarê Hamburg, vakurê Almanya de ca gêno. Bajarêk sanayî û lîman o. Baxçe sayeran yê nayî bajarî zî namdarê. Zobî zî nameyê nayî bajarî hetê çîyê bêheşî(eroîn, esrar û kokaîn) vejîya yo. Na raştîyêk Hamburgî ya.
Bajarê Hamburg de mîyanê şarê kurdî de giranî Çewlîgij û Xarpêtij û Dêrsîmij ciwîyenî. Rîhayij û Batmanijî zafî.
Bi taybet ciwanê Çewlîg û Xarpêtî bi dizdî şinê bajarê Hamburgê, zafê înan baxçeyê sayeran de şixulyenî. Şert û merce ke mîyanê de kar kenê, zaf xirabî. Rewşa cayê kar û rakewtişê înan zê cayê kole û qerwaş û esîran o.
Wexto ke yew ewnêno halê nê ciwanan zereyê yewî helîyeno.
Ciwanê welatê gul û gulîstan, welatê weşik û rindêk zê Kurdîstanê terk kenî, şinê zereyê şert û merce xirab de bajarê Hamburg de kar kenî. Seba ciwanê kurd no hal, halêk şermî yo.
Tayî ciwanê kurd bajarê Hamburg de kewtî mîyanê karê xirab. Kewtî destê mafya û çeteyan.
Tayî ciwanê kurd zî bajarê Hamburg de kewtî domê çeteyên DAÎŞ’ê T.C û bîyê çeteyên DAÎŞ’ê T.C. Bîyê tetîkkeşên T.C. Tayê înan şîyê Rojavayê uca de hemverê şarê kurd şer kenî. Çend hebî zî Rojava de ameyê kiştiş.
Ez seba nayî cîgerayîş bikerî û bisayenê şîya Hamburgê. Mi çimanê xo dî ke, hema hema pêronê camîyê dîyanetê tirkî de çeteyên DAÎŞ’ê T.C yenî rêxistinkerdiş.
Tayî kargehên tirk de çeteyên DAÎŞ’ê T.C perwerdeyê leşkerî vînenî.
Hem bi rayîrên hewayî hem zî rayîra behrî çeteyên DAÎŞ’ê T.C şirawenê Îstanbol, Îzmîr, Adana nê cayanê ra zî şirawenê Rojavayê Kurdîstanê. Hemverê şarê kurd danî şerkerdiş.
Recep Tayîp Erdogan, AKP û dewleta tirk nê çeteyanê DAÎŞ’ê koordînê kenî. Bi taybet bin nameyê Recep Tayîp Erdoganê Hamburg de qerargehê çeteyên DAÎŞ’ê T.C ameyo viraştiş.
No qerargehî de çeteyên DAÎŞ’ê T.C yenî rêxistinkerdiş.
Tîya de çîyo ke baldar esto. Hamburg de zaf ciwanê kurd kewtî tora çeteyên DAÎŞ’ê T.C. Bin rayverîya R.T.Erdogan û AKP de nê ciwanê kurd erzenê dome xwe û hemverê şarê kurd danî şerkerdiş. No yew planêk zaf xeter o. La tîya de zaf suce dadî û babîyê nê ciwananê kurd esto. Kêna û lajanê xo gore bawerî û çend û ziwanê kurd perwerde nêkenê. Kêna û lajanê xo sazî û dezgehanê kurdî ra dûrî gênî.
Kêna û lajanê xo benî teslîmê camîyanê tirk û mela û mamosteyanê tirk yê tirkperêst kenî. Wexto ke hina kenî, kêna û lajanê înan bi destê camî, mela û mamosteyanê tirk yê tirkperêst zê bibenê dişmenê şarê kurd, hina yenî perwerdekerdiş. Dima ra kenî çeteyanê DAÎŞ û hemverê şarê kurd danî şerkerdiş.
Hetanê rewşa nê ciwanan nêvejîyo werti, dadî û babîyê înan rewşê ciwananê xo nimnenî.
Wexto ke eşkera beno ke, kêna û lajanê înan kewtî no halî, ucaxî dadî û babîyê înan yenî vanî, “Ey Hewar! Kêna û lajanê ma xelasbikerenê.”
Ser nê çîyan zaf hayî estî, demêk bîyero yew bi yew nê hayî bîyerenê weşanayîş. Yew bi yew nameyê înan zî bîyero dayîş.