Ça vindeme? Mordemekî ma nêwazenê. Her roz marê heqeret kenê.
Ma vame biraryiye.
Recep tayyîp Erdogan vano ‘sima çi wazenê her çiyê sima esto, vengê xo mekerê, hen binê destî de vinderê’.
Ma vame haştiye.
O vano “dewlete terorîstan de qesey nêkena’
Ma vame adir bibirnîme, qesey bikeme.
O vano ‘eskerê dewlete verva terorîstan qeyta adir nêbirnenê.”
Ma vame zonê ma de perverde.
O vano ’ha simarê dersa weçînîtine’.
Ma vame têdustiye de ciwiyayene.
O vano ‘jû milet, jû dewlete, jû welat, jû zon û jû dîn’.
Ma vame deste de siyaset virajîme.
O vano ‘şerê ko’.
Ma vame some sîne-î milet.
O raye misneno ma vano’şerê sîne-î Qendîl’.
Ma vame endî beso bêrê raye bivînîme, ma bêrîme.
O vano ‘sene raye, bêrê teslîm bê’.
Ma çi pîme sermiyananê na dewlete ra? Ma çi pîme dewleta niyanene ra.
Niyadê!
Qomê Kosovo xoseriya xo gurete, çike ver ra na het wastena xo na biye. Cirê xêr bo.
Yugoslavya biye pirtley her qom rest serbestiya xo, çike her qomî na wastenê.
Niyadê!
Çekoslavakya biye letey, her qom bî wayîrê serbestiya xo, çike wastena qoman na biye.
Tirk ma nêwazenê, tondanê vanê ‘şerê’ ma zemeqayîme pêsa înan ra, vame ma caye nêsomê. Vame marê sene heqeret kenê bikerê, ma caye nêsome. Her roz pê xo xapneme vindeme.
Vame ha ewro simara birîme ra, ha meste...
Gorê mi waxt endî amo, waxtê cerabiyayene, waxtê xatir wastene.
Belka o waxt honde domonê ma, gerîlla, esker ferqnêkeno, nêmirenê.
Belka ora tepiya rast ke beme bira.
Ça honde cereme nî siyasetvananê faşîstî vero, ez bara xorê famnêken.
***
Endî beso! Nika tam waxt o: Sazî, dezge û rêxistinê ma gune endî tirkî weşiya xora vezê. Rojnamê ma gune pelganê tirkî kêmkerê, televziyonê ma programanê tirkî kêmkerê, siyasetvanê ma eskerakerdîsan bi zonanê kurdistanî bide.