Çend rojîya dewleta tirk Herêmanê Pawitişê Medya bombe kena. Xora verê weçînayîşê hêrîşên dewlata tirk dest pê kerdibî. Agirî de welatperwerêk û di gerîla şehîd bibî. Çewlîg de Hemdullah Oge hetê kontrayên dewlat tirk ra amebi şehîdkerdiş. Edene û Mersîn de bane HDP de bombe ameyê teqneyîş.Amed de mîtîngê HDP ame bombekerdiş. 6 HDPyî şehîd bîyê. Bi seyan birîndar bîyê. Çeteyên tirk, Erzirom de hêrîşê mîtîngê HDP kerd. Dayîyên hewtay serîyê zî birîndar kerdî. AKP se kerd, nêeşka vernîyê HDP bigero. Peynî de HDP serkewt û bendê weçînayîş derbas kerd. Xeyala Erdoganê binvist. Erdogan nêbi padîşah. AKP zî nêeşkaya serxo bibo hukimat.Ver no serkewtişe HDP ra Erdogan dîn û har bîyo. Gêj û mej bîyo. Nika zî wazeno hemberê HDPê qisas bigero. Hemberê şarê kurd û destektarên şarê kurd û HDPijan şerêk newe da dest pê kerdiş. Pirsûs de 31 ciwanê delal û egît dayê kiştiş.Dima ra zî hemberê gerîla şerêk hewa û erdî ra da destpêkerdiş. Çend hewî zî Kobanê û Girê Sipî de bi tenqan û çekên giran hêrîşê YPG-YPJijan û Arteşa Azad keno. Heta nika 4 şervan û çend dewijî birîndar bîyê.AKP hem Rojawan, hem Vaşûr û hem zî Vakûro Kurdîstanê de hemberê şarê kurdê şerêk newe ramnena.Ma zanê dewleta tirk û AKP dişmenê kurd û Kurdistanê yê. Dişmen, xora dişmeno û dişmenîyê xo keno. La KDP (PDK) se kena? Wexto ke ma ewnênî qiseykerdişanê KDPijan, sey şirîkê dewleta tirk û AKP asena. Ma ewnênî qiseykerdişanê Mesûd û Nêçîrvan Barzanî ra her di zî pesnê AKP danî û PKK û gerîlayên Kurdistanê sucdar nîşan danê. Bi qiseyanê xo bombekerdişê Vaşûro Kurdistanê nat danî, weta danî erê kenî.Biewnê Mesûd Barzanî û Nêçîrvan Barzanî bi qiseykerdişanê xo, senî destek danî dewleta dagirker ya tirk û AKP. Nêçîrvan Barzanî vat, “KCK va adirbirnayîş qedîyayo. Ne HDP û ne zî HDP neşkenê derheqê çekveradayîş de qerar û biryar bidenê. No qiseykerdiş tesîrê xo ser pêvajo kerd û AKP zî kewt tengî... Reyna çend rojî verê cû di polîsanê tirk zî ameyê kiştinê. PKK zî kiştişê înan girewt ser xo. Nayî zî rewş xirabêr kerd.”Mesûd Barzanî zî vano ke, “Hetanê wextê AKP nameyê kurd û Kurdistanê qedexe bi....
Bi kiştişê di polîsan dewleta tirk nêrijîyena. ... Qerarê PKK yê bê Abdullah Ocalan û HDP ser çekveredayîş û qedênayîşê şerî de gam eştiş şaşîbî... Ma dî kî, hukimata Tirkiye seba çareserîya aşîtî çi hewce kerd nîşan da û gam eşt. Labelê PKK cewab nêda û gam nêeşt. .. PKK dest erzena Vaşûro Kurdistanê û parçe bîn û bi taybet Rojawan de serwerîya xo virazena. “Mesûd Barzanî bi nê qiseykerdişe xo tekoşîna şarê kurd û 40 hezar şehîdanê kurd înkar keno. Vano, “Min û AKP ma pêronê heqanê kurd û Kurdistasnê şinasnayê. “Keye Barzanî seba kiştişê di polîsanê tirk ax û wax kenîy. Mesûd Barzanî û Nêçîrvan Barzanî çira ser gerîlayên ke hetê dewleta tirk ra wextêk nêzdî de ameyê şehîdkerdiş, sey Sarya Onur (Maxzume Muhamedzade), Delîl Dozvan(Yildirim Bat), Canfeda Serhat(Serhat Kizilay) înan ser qisey nêkenî. Çira ser welatperwer Cezmî Budak û Hemdulah Oge , şehîdanê mîtîngê Amedî (Ramazan Yıldız, Necati Kurul,Şeyhmuz Kaçan, Ciwan Aslan), 4 şehîdanê bîn ayê bi nameyê Bayram Ozelçî, Emîn Ensen, Bayram Dagtan û Fesîh Cînaklî kî hetê hîzbulkontrayê dewleta tirk û çeteyên dewlet û dewletî ra ameyê kiştiş, çîyêk nêvano.Wa PDK û keye Barzanîyan bizanê, şarê kurd zaneno ke, AKP û PDK (KDP) şerê hemberê çar parçe Kurdistan û şarê kurdê de şirîkayî kenî. Wa PDK û keye Barzanîyan bizanê, şarê kurd zaneno ke, Îstîhbaratê PDK (Parastin) derheqê cayê gerîlayên PKK-HPG de hayî dana dewleta tirk, dewleta tirk zî goreyê no hayîyê cayê gerîla bombe kena.