Weçînayişê 30’ê Adarî qedîya û nika zî coşa weçînayişê 7’ê hezîranî esta. Nika xeylên şirove yenê kerdene. Heme hezî qareyê xo, xo serkewtine vîneno. Xeta Rayver Apo dest visto. Tîya de raya vengan hentay muhîm nîyo. Çîyê muhîm no yo ke tersa sîyasetkerdişî yo. Bi no weçînayişî Tirkîya de bedilyaya. Êndî Tirkîyayî de sîyaset nêşino teberî ra û bi komployan bêro dîzaynkerdene. 

Semadê nêy zî xeta Rayber Apoyî yo heko ravêrayeya aştîya nêbîyayê se AKP nêşayê hentay vernî bigerotaynê. No ravêraye de gerîla di çalakî bikerdayê, kaos bibîyayê xorî û hêzanê tarî do biser bikewtayê. No zî da bimaneya bidesan serranê bîn zî Tirkîya de serdestî bîyayê hêzanê tarî. Rayver Apo vernîya nêyî girot û nêverada ke şaranê ma ser o kayan bikerê. Peynî de înan vinî kerd, xeta aştî û aramî ê Rayverî serkewt.

Tîya de çiqa veng qirotbê HDP/BDP yî henta muhîm nîya raşt o. Ma pawitê ke HDP/BDP hintay muhîm nîyê. Raşt o, ma nawitê ke HDP/BDP hewna vêşî vengan bigerê. La nêbi. Embazê da nêyî ser o vinderê. Ma kotî ra çirê veng nêgirot? Kotî de venganê ma bîyê tayin û senî nînan ser o dewletî xo mîyanî de lej kerdibî, pergalî mîyanî de lecê deshildarrîye est bî. La na weçînayişî de dî hêzêy bingehî est kî; ‘dewlete û şarê kurd. Dewlet di no weçînayişan de hemverî ma de bi yew.’ Ma vatinê ke ‘ma do AKPî Kurdistanî de bîyarê sifirî.’ Peynîya ney de zî ma vatênê; ‘ma do peynîya weçînayişan de xoserîya demokratîkî awan bikerime.’ Sewata nêy Hereketa Azadîyî û Rayber Apo no weçînayişî sey referandûm îlan kerd. Raşteyî de zî hinî bi.

Ma eşkenê vajerê ke dewlete nêy vaten û helwestêma ro tersa û ket panîkî mîyan. Sewata nêy zî hemverî ma polîtîkayanê taybet avera berd. Verîya weçînayişî nêvereda HDP şêro heme ca. Herêmanê zey Ege, Behrasipe û Behrasîya do qeleyanê girde berdo HDP yî ser. Xeylê buro, awanîya înan veşnay fina Kurdistanî de hezar babet hîle kerdîy. 

Bi taybetêy Riha û Serhedî de deshezar vengê ma tiritî. Veşnay û vindî herdîy. Sewata dewletî pergalî mîyanî de kamcin partî biserkewto, kamcin partî îdare û rayîberaya welatî vista destê xo herkay zî muhî nîyo. Em peynî de heme sey nê yo. La belê serkewtişê HDP/BDPî do biameyê bedilyayişê rejîmî winî zî bi. Goreyeke zerrîya ma nêbo zî HDP serkete vejîya û di peynîya nêy de do xoserî bêro awankerdiş.

A ha dewlet waşt vernîya nêyî bigero. Merdim eşkena vaja heko partîyê taybet ê dewletî hemverî ma de nebîyayê rê ma do seyî ra 10-12 vejnayê. Hêza ma yo raşt ê sîyasî Tirkîyayî de no dostî de yo. Dewlet û AKP elem kerd qulkem kerd bi kay û hîleyan hêza ma 4-5 pûan apeya vist. Winî nêkerdayê se Tirkîya û Rojhilatê Mîyanin de hêma çi de bibedilyayê. La toha nêbeno. Ma zî dewlet zî hêz raştînyê ma zanê. Merdim eşkena vaja; “madem ma referandûm îlan kerd û AKP bi va ‘no şer o’ lazimo k e hem averşî de biamaynê girotiş.” 

Ma bêrime mîjara ma yo esasî ser o. Bado weçînayişî peynîya projeyê HDPî ser o tayînî niqaşanê nêvayê ameye des pêkerdene. Tayinî nînan dewlete bi barayan wazenêy tayinî zî weş fam nêkerdişê ma yo projeyê HDPî avera vejîyeno. Yeno vatene ke: “Xo ra HDP mede welîdya bî. Weçînayişî de zî ame binaxkerdene. Projeyê HDP nêtepiş.” “HDP xeyal şikna”, “Çepê tirkan ra ma rê xeyr nîno” Ti vanê qey biza gunekar HDP a. Kam yeno dano piro. Ma zî vanê ke lazimo ke projeyê Rayver Apoyî bêrêy pawitiş. Çimkî zerrîya ma HDP ya û hewna germ nêbîya. Muhîmeya ney projeyî hewna zî nîyameya famkerdişî. 

No yew raştî yo. Hêzanê ke HDP mîyanî de ca genêy kar nêkerdî û xo bi pêroyina nêdayî girweyane weçînayişî. Bi vaten vanê: “Ma HDP qebûl kenime” la balê no vaten qebûl kerden û çiman de ca giroten zerrî ma nîyo. Çimkî tarzê înan ê sîyasetkerdişî sey şarê ma nîyo. Şarê ma sîyasetî de ganê xo kerdo meydanî. Sew û rojê xo keno yew û kar keno. Heme xetereyan gena çiman ver û hemverî heme galayan de sîneya xo kerna mertal. 

Hêzanê çepê tirkan hena nêmusayê no babe sîyasetî, înan rê girna yeno. Ê musayê kursîyan ser o ronişê û ber roj yew şarî virazê. Ganî ma nêy ferasetî bibedilnimê. Lazimo ê zî dekewê şarî mîyan û sey rayveranî DBPî mil bidê şarî û balana do kuçeyan de sîyaset bikerê. Lazimo ma îna rê zî bidê famkedene ke şorişgerey xo dostê Rayveran de vînenê la nêşenê hîrê besan zî rayîra biberê. Şarê ma wexto ke çîyên winasîn vinakine vînenê HDPî ra benê ser. Yanî hewna nêşeyê sempatî şarê kurd zî bikerê. Laizimo ke bal rind bêro zaneyene ke heyanî sempatî bişirê! 


KENAN AVCI / Zîndana Tipa F a Tekîrdagê




HDP ameyoxê ma yo


Şarê ma de zî nêzdîbîyişê: ‘Ma çirê hentay kewenê nêy çepizan dim înan ra çîyên nêvajîyeno” esto. No zî raşt nîya. Paradîgmayê Rayber Apoyî netewa demokratîk ser de awanbîyiş û cuyayiş o. Yanê ma bi pêrin şaran de bi înan dir têlewe de cuyayiş bikerimê yo. Yanê ma sîyasetê xo hîra bikerime. Sewata nêy bi Tirkîya de bî hêzanê demokratîk ê tirkan, Sûrîye, û Iraqî de bi hêzanê demokratîk ê ereban Îranî de bi hêzanê demokratîk ê farisan lazimo ke sîyaseta newe bêro awankerdine. 

Înşakerdişê konfedaralîzmî no rayîr a newe yo. Sewata nêy HDP yew projeya tenê û weçînayişan nê, lingek muhîm ê paradîgmayê Rayber Apoyî estêy. HDP partîya ‘Tirkîyabîyişî’ ma zî nîyo. HDP projeya konfederalîzma demokratîkî de esasê lingê Tirkîyayî ya. Gano ma wina bigerê dest.Vatena peynîn, heke HDP xo newera bigera dest û bişêro sempatîyê şarê kurd qezenç bikera û şarê kurd zî mîsyonê HDPya raşt fam bikero. No proje do rayîra xo de bişêro. HDP ameyoxê ma yo. Ganî ma gereke wayirteya HDPyî bikerime.