Hemserekê Konseya Rayverî ya KCKê Cemîl Bayik veng da şarêy demokrat û vaşûrê rojawanî kerd ke 7 hezîranî ra dim do dewreke newe dest pê bikero û wina dewam kerd: “Ez sifte heme kesêy ke semedê HDPî xebatan kenêy silam kena. Rojêy ke ma tira ravêrenêy zaf muhîm û awarte yê. Tirkîyayî de do çarenuşteyê rejîmî no weçînayişî de dîyar bibo. Xetimyayişê pergalî rojevî de yo. Tirkîyayî de hêza ke şikyena xetimyayişê Tirkîyayî ver akera HDP û hêzêy demokratîk yê dormeyê ay de bin sifirneya ci de yê.”
Dek û dolaban teng
Dergeya qiseyê xo de Bayikî bal ant ser tewirê xebatêy ke yenê meşnayişî û qala ravêrnayişê bendî kerd û vat: “Semedo ke encamêy hewna weş bêrêy girotiş lazimo ke ravêrnayişê bendî ra tenê nê, lazimo ke hewna vêşêr bigerêy ra xebat bikerêy. Eke ma tenê semedê bendî ravêrnê xebatan bikerêy se ma do nêşkerêy dek û dolabêy ke çarnenêy ra baş bikerêy.”
Tirkîyayî ra HDP
Dergeya qiseyan de Bayikî qala çarenuşteya Tirkîyayî zî kerd û lewkerdişê ey ra mojnîya ke çarenuştişê HDPî destan de yo û wina berdewam kerd: “Eke hêzêy bin sifirneya HDPî xebatêy xo weş bikerêy do zaf wekîlan bieşrawêy Meclîsî. Çiqas wekîlîy bişêrêy se qedar Tirkîyayî hintayê lez do bêro bedilnayiş û weşey rew bêro. Ney hawayî ra lazimo ke bi ewnîyayişê rayan nêwenîyo 7’ê hezîranî. Lazimo ke bi hawayê bedilnayişê çarenusteyê Tirkîyayî biewnîyo.”
Zextêy bi plan viraştîy
Dergeya lewkerdişê Bayikî de mijara zextêy ke herêma kurdan de benêy zî bi û wina dewamî da qiseyê xo: “Herêma ke kurdîy cuyenê de bi sîyaseteke gemarine polîtîkayê şerê taybet bi nameyê plana Islahata Şarkî de viraştîy. Helênayiş, dakoçkerdiş û qirkerdişê fizîkî kerdîy. Waştîy ke herêmî veng bikerêy û bihelînêy. Semedê kerdişêy hovanê yê antîdemokratîkî zaf kesan warê înan ra kerdîy û warê xerîbîyî de perîşan kerdîy. Kesêy ke warê xo ra teriknay û pey xebateke weş ya weçînayişî ra dim do ageyrêy warê xo. No semedî ra serkewetişê HDPî zaf muhîm o. No semedê vaşûrê rojhilatî zaf muhîm o. No hal çarenuşteyê Tirkîyayî do bibedilno. Kurdêy ke Ewropa de yê do ageyrê Dêrsim, Amed û cayêy bînan.”
Heme kesîy zey bira
Verbê peynîbîyişê qiseyê xo de Bayikî bal ant dînan û biratî ser û wina ard ziwan: “Herêmîy heme do biresêy îbadetkerdişê dînê xo. Do biratî, aramî û yewitî ser bikûro. Do şerê taybet ke serdestan vetêy û hewna wazenêy geş û weş bikerêy peynî bibo. Planê înan heme bêrêy betlakerdiş.”
Wa heme kesîy
Vengdayişê verbê peynîya qiseyê xo de Bayikî veng da; Semsûr, Mereş, Meletî, Sêwaz û Dîlok, Dêrsim û cayêy ke elewî cuyenêy, cenî, ciwan, kedkar, karker, karmendan û waşt ke eke wazenêy Tirkîyayî no rewşa xetereyî ra xelas bikerê lazimo ke raya xo biderêy HDPî û wina dewam kerd: “HDP do çareseryîke demokradîk bivejo meydanî. Cuyayişeke newe do biafirno. Kesayetîya azad do bivejo meydanî. Do nasnameya kurdan berz bikera. Çand, kultir, dîn, mezheb û qîmetêy şaran avera bibera û xurt bikera. Bi nêy hêstan ez silam û hurmetêy xo pêşkesî heme kesan kena.”
ANF/ BEHDÎNAN