Parlamentera HDPyî ya Îzmîrî Serpîl Kemalbaye pîrozkerdişê roşanî de şarî reyde ameye têhet û pîrozkerdiş de qiseykerdişêk kerde. Kemalbaye dîyar kerde ke HDP partîyêka bedel dana ya û bi hezaran îdarekarê ci zîndanan de yî.
Kemalbaye qiseykerdişê xo de wina va: “Yê ke ewro wazenî partîya ma çinî bikerî, wexto ke têhetameyîşanê ma vînenî, hêrs benî û hêrişanê xo zêde kenî. Labelê ê bi hawayo baş zanî ke ma çiqas xoverdakar û bihêz î. Şarê Tirkîya seba aştîye ameyî têhet û destê yewbînan tepiştî. Tîya de rolo serek yê Birêz Abdullah Ocalanî yo. Ma firsendêko baş dîbi. Tecrîdo ke ewro Birêz Ocalanî ser o yeno domnayene, vera aştîye de polîtîkaya şerî yo. Ma do vera muameleyê xirabî de vengê xo berz bikerî û têkoşîn bidî.”
Kemalbaye dewamê qiseykerdişê xo de va ‘problemî hertim Meclîs de nînî çareser kerdene’ û wina qedênaye: “Ti kes demokrasî nêda ma, ma bi têkoşînê xo awan kerd. Vera zextanê Meclîsî de ma do ziqaqan de têkoşînê xo bidî û vengê xo berz bikerî. No wezîfe vernîya ma de yo. Ma ancax bi piştîdayîşyewbînanî eşkenî nêyî bikerî.”
JINNEWS / ÎZMÎR