Namzedê HDP Nîmetullah Erdogdu û Çagla Demîrel rayveranê HDP û DBP’ya piya şî ziyaretê roniştoxanê mahlaya Huzurevlerî.
Welatijê Huzurevlerî eleqeyê gird mûsna namzedanê HDP û kêfweşînê xo ard ziwan. Namzedan bado jî mahla Huzurevler de, bi jew merasima buroyê weçînayin ê HDP abiya.
SEMSÛR: Semsûr de jî, coş û heyecanê weçînayinî beno vêşî. Namzedê HDP ê Semsûr Behçet Yildirim, Ferhat Temel, Ayten Yilmaz û Bîrsen Tûnç, çarçiweyê xebatanê weçînayinî de, şî ziyaretê Odeyê Zîraatî û wastenê înan goşdarî kerdî. Bado jî şî ziyaretê esnafan û rastê eleqeyê girdî amey.
RIHA: Riha û qezayanê ci de jî xebatê bê maben dewam kenê. Namzedanê HDP ra Osman Baydemîr û Rasîm Çakmak şî ziyaretê karkeranê înşaatê Karakopru û wastenê înan goşdarî kerdî. Namzedê bîn ê Riha Leyla Guven, Yagmur Akay û Serhat Dîcle Yuksel jî, şî Serêkaniyê. Namzedî miyanê Serêkaniya piya, şî dewan û welatijan ra desteg wast.
BATMAN: Batman de jî, qandê HDP mahla Gultepe de şahî viraziyê. Namzedê HDP Saadet Becerîklî, Ayşe Acar Başaran û Hasan Yagiz Gultepe jî tewrê şahî bî û eleqe ant muhîmînê weçînayinî ser.
WAN: HDP Wan û qezayanê ci de jî, xebatan ramena. Namzedê HDP bi konvoyanê derga şinê qeza û dewan û rastê eleqeyê girdî yenê û bi tewribyayinê qelebelix buroyan akenê.
BEDLÎS: Bedlîs de jî, coşê HDP heme cayan beno vila. Namzeda HDP Mizgîn Irgat bi namzedanê bînana piya şî ziyaretê dewanê qezayê Adilcewazî û rastê eleqeyê girdî amê. Ziyaretî ceniyan kêfweşînê xo ard ziwan û vat ki, iyê 7”ê hezîran açarnê rojê dersdayinê AKP.
MÛŞ: Qezayê Muş Gimgim de jî, bi coşê girda buroyê weçînayin ê HDP abiya
Namzedê HDP badê akerdinê buroy, qandê keyeyê şehîdê Kobanê Cîhan Dûmanî û merdimanê Dûmanî rê serweşîni wast.
Şirnex û qezayanê ci de jî, namzedî şî ziyaretê esnaf û dewan û rastê eleqeyê girdî amey.
NAVENDA XEBERAN