Hemşaredara Dersim Nûrhayat Altûn ke derheqê tayînkerdişê qeyûman de qisey kerd vist vîrî ke qeyûm dûştê sîstema hemserokîye derbe yo.
Altûn arde zon ke hedefê tayînkerdişê qeyûman sîstema hemserokîye û cenî yê. Nûrhayat Altûn aşkere kerd ke sîstema hemserokî hemver zihnîyetê serdestî yo û nîya dewam kerd: “Sîstema hemserokîye de îrade û têdûştîya cenî û camêrdan esas yena giroten. Bi tayînkerdişê qeyûman wazenê no îradeyî werte ra wedarnê. Dewlet mavêna xo de nakokeyan ciwîyena û kerdenanê xo ra bi xo emel nêkenê. Roja ke ma amey weçîntayen ra na het şaredarîya ma de mufetîşî kêm nêbî. Mufetîşan ma rê vatî ‘çîyo ke ma geyrayî ma nêdî.’”
‘Dûştê serkewtişê cenîyan o’
Altûn da zonayen ke qeyûmî dûştê serkewtişê cenîyan ê û nîya va: “Bi serrano cenî tekoşîn danê û tekoşîna xo ra fek nêverdanê.Tenya cenîyê kurd nê, ganî pêrokîn cenî wayîrê îradeyê xo bivejyê û hemverê kerdişanê dewlet de bibê jû.” Altûn va: “Êrişê dûştê cenîyan badê hikûmeta AKP amê ser hikmî vêşêr bî. Cenîyan keyeyan de zey giroteşan gênê û nêwazenê ke cenî tewrê civakî bibê. Nayî ra zî sazgehanê cenîyan hedef gênê.” Nûrhayat Altûn vist vîrî ke verra kerdişanê bêedaletîyan iyê dê ti wext xoverdayişî ra peyser gam nêerzê û va, ma dê qeyûmanê dewlet nas nêkerê.
JINHA / STENBOL