Vera şaredarî û hemşaredaranê DBP derbeya AKP ramena. Hemşaredarê Xelfetî ra pîya xêlê endamê meclîsê şaredarîya Hêlwan, Wêranşar û Heweng zî amey binçim girewtiş. Şaredarîya Mûş Melazgirê rê zî qeyûm erzîya.
Qezaya Riha Xelfetî de quwetanê dewlete eştî keyeyê hemşaredarê qeza Mûstafa Bayramî û şaredarî ser o. Wextê sereştişî de polîsan keye de geyrayiş kerdî, dest ronay fîstaneko ke kiho-sûr û zerd bi ra pîya flama û resîman ser o. Şaredarî ra zî kompîtur û xêlê belgeyî girotîyay. Polîsê ke şaredarî girotî bin ablûqa hemşaredar Mûstafa Bayramî bi wesayîta zirxî girotîya bin çiman. Bayramî ra pîya, çaykarê şaredarî zî girotî binçiman. Xelfetîyijê ke xeber aşnawitî verê xo day hetê şaredarî.
Operasyon resya qezayan zî
Tenya Xelfetî de nê herzewbîn qezayanê Riha Hêlwan û Heweng de zî Endamê Meclîsa Şaredarî girotîyay bin çiman.Heweng de jew endamê Meclîsî û Hêlwan de zî endama meclîsî Sîbel Sutpak amê binçim girewtiş. Wêranşar de zî xêlê azayê DBP girotîyay bin çiman. Pêrokîn sûk de Mûstafa Bayramî ra pîya 24 kesî girotîyay bin çiman.
Hetê bîn ra qezaya Mûş Melazgir de zî hemşaredar Halîs Coşkûn 29ê Mijdare de amebi tepiştiş. Hurendîya Coşkûnî de qeymeqam Soner Karli zey qeyûm ame tayînkerdiş.
ANF / RIHA