ALAN REŞÎD /TOLÎN HESEN / ANHA / ŞEHBA
Hêriş û dagîrkerîya çete û dewleta tirkî ver şarê Rojawanê Kurdîstanî xeylê zirar dîyo. Bitaybetî netîceyê eştişê topan de kesê ke dewanê Bênê, Soxanekê, Birc Qasê, Kalûte, Meyase, Zirnîte, Başemra û Mezinî de cuyenî, nêşênî erdanê xo biramî.
Dewa Bênê ra Mihemed Xubarîyî va ‘xeylê topî erzîyenî herême’ û wina domna: “Ma destpêkê şorişê Rojawanî de vera guleyanê çeteyan de bi kerrayan xover dayêne. Ma do vera eştişê topan de zî xover bidî û fek ca û warê xo ra veranêdî.” Xedîce Xubarî zî daye zanayene ke wayîrê raştikêne yê nê erdan ê yî û ê do fek dewanê xo ra veranêdî.
Îmad Mihemedo ke dewa Soxanekê ra yo, wina va: “Înan xesad û daranê ma veşnayî. Nika topan erzenî dewa ma. Dagîrkerî çimeyê ma yê debarî hedef gênî. Ma nêşênî şêrî hêgaya xo. Topêk kewt bexçeyê ma, labelê nêteqa. Eke biteqayêne, o wext cinîya mi û domanê mi do bimerdêne. Herçiqas ke topî erzîyenî û hêrişê dewam kenî zî, ma do fek dewa xo ra veranêdî.”