Babete ser o Parlamenterê HDPyî yê Îzmîrî û verfekê kehen yê HDKyî Ertugrul Kurkçu û Verfeka HDKyî Gulîstan Koçyîgîte qisey kerdî.
Hêrişê topyekunî estê
Kurkçuyî va çîyo ke vera HDPyî de ameyî kerdiş derbe yo û qiseykerdişê xo wina domna: “Nê hêrişî vera qezencanê HDKyî de yenî kerdiş. Ganî ma vengînîya ke tewqîfbîyîşê embazanê ma ra dima virazîyaya, pir bikerî.“ Kurkçuyî dewamê qiseykerdişê xo de va ‘êdî bi temsîlkarê şarî nê şar xo bi xo mîyanê xebatan de bibo û xo bi xo temsîlîyetê xo bivirazo. Hedefo yewine yê HDKyî azadîya hemserek, parlamenter û verfekê KJA û DBPyî o.’
Zaf derbeyî viraştî
Verfeka HDKyî Gulîstan Koçyîgîte zî va hêrişê ke vera HDPyî de ameyî kerdiş, vera îradeya şarî de derbe yo û qiseykerdişê xo wina domna: “AKP bêxera xo ti kesî qebûl nêkeno. AKP 15 temuze seba despotîya xo sey destêk nîşan dano û o tarîxî ra nata xeylî derbeyî ameyî viraştiş û 4ê teşrîna peyêne zî nê derbeyan ra yew o. Ganî şexsê HDPyî de ma heme wayîrê HDPyî bivejyî. Ma dê heme hetan reyde bêrî têhet û vengê xo, hêzê xo girdêr bikerê.
AMED