ŞÎLAN AMARA / ANF / BEHDÎNAN
Ma berzîya koyanê Qendîlî û tecrubeyê gerîlayan ra vînenî ke ê do vera operasyonê Qendîlî de senî hereket bikerî. Rîyê gerîlayan de qet teredut çin o û ê bawer kenî do qezenç bikerî. Gerîlayan amadekarîyê xo kerdî û paweyê destpêkerdişê operasyonan î.
Heme gerîlayî têfek ra dîyar kenî ke seba dagîrkerîye nîşan dîyayîşê estena PKK û HPG/YJA-Starî mehne yo. Wexto ke ma gerîlayan reyde qisey kenî, ma vînenî ke her yew gerîla xo her hetî ra aver berdo. Her gerîla eşkeno vera na dagîrkerîye de bi saetan qisey bikero. Bitaybetî gerîlayê Başûrê Kurdistanî ra yî, dîyar kenî ke dagîrkerîya AKP û MHPyî do demdemkî nêbo, ê wazenî heme çîyan çinî bikerî.
Gerîlayê ciwanî vanî ‘eke ma nêbî yewe, ma do şêrî yew bi yew’ û bale ancenî yewîya neteweyî ser. Çîyê ke înan dejneno o yo ke sîvîlî raştê hêrişanê teyarayanê şerî yenî. Ciwanî qiseykerdişê xo bi sondê pawitişê şarê xo qedênenî. Gerîlayê rîyê xo yê huyayeyan vanî ‘hele wa bêrî… Hele wa bêrî, gelo qula ke xo bidekî mîyan vînenî an nê?’…