Helîn bi roşn û deyran rakewe

Federasyonê Komelê Dêrsimî (DEDEF) roja mergî ya 288î ya endamê Gruba Yorumî Helîn Boleke ser o aşkerayêk da.

Aşkera de wina ame vatiş: “Îbrahîm Gokçek hema zî roja mergî de yo û yew pêvînayişê xo de wina vatbî; ‘Ma bidê cuyayiş, ma nêwazenê bimirê, tena waştişê ma hewna şarê xo rê vatişê deyran o. Ma sey DEDEF zanenê ke çi heyfo ke seba tesîsê edeletî ma mecburê ke no welat de bimirê. Helîn vat bî ke; ‘Xoverdayiş do bi serfirazî biqedîyo, şima zî do min biberê Munzurî û ez zî Munzur de awe bişima.’ Ma xemgîn ê Helîn; cuyadayişê Gruba Yorumî wezîfeya merdîmeyî ya la ma ti nêeşkîya bidê cuyayiş. Helîn vera zîhnîyetê qedexeker û yewperestî de qerardarîya xo nîşan da. Helîn bi roşn û deyran rakewe.

Toxim û herra ra tersenê

Awa herikbar û vîrardişî ra tersenê

Omidî ra tersenê, omidî ra tersenê

Kanaryaya min a bi pola qertelî

Deyranê ma ra tersenê

Nazim Hîkmet.” MERKEZÊ XEBERAN