XOVERODAYIŞÎ RA HETKARÎ
Hemserekê kantona Kobanêyê Muslîm destnîşan kerd ke taybetê di mîyanê çar rojê de hêrişê çeteyê DAIŞî zêdîya, DAIŞ serwerbîyîşê Kobanê ser hêrişê xo hîna berz kerd, şaristanê Rakka, Minbîc, Cerablus û Tel Adyad ra seba cayê hêzkerdişê ser takvîya hêz anena û wina dewam kerd: “Çeteyê DAIŞî taybetî rojhîlatê Kobanê ra hêriş kenî, DAIŞ eşkeno nêşkeno di mîyanê 26 rojê de bikewo Kobanê, eke Kobanê ra çeteyê DAIŞî biresê do qirkerdişekê gird bêro meydan. No ser zî ganî merdimê sivîlî ra bi lezî korîdorê hetkarîyê bêro akerdiş û YPGî ra no babetî hetkarî bêrodayiş.”
MERDIMÊ SIVÎL EST Ê
Muslîm dîyar kerd ke hukûmata AKP vana ke di Kobanê de sivîl nêmendo û tena hêzê YPG û DAIŞî est o, no vatişê hukûmata AKP zur o, çimkî bi hezaran merdimê sivîl nika di Kobanê de yê û heme kobanêyijan di rewşa şerî de yê û wina domna: “Di Kobanê de sivîlan xobixo pawiyayişê rê banan xo ra nêvejîyenî û nêverdonê domanan xo bivejê teberî û no ser zî ma nêşkenî çend sivîl nika di Kobanê de est ê bivajê la di tena ser sînorê de bi hezaran merdimê est ê. Di Kobanê de tena YPG çin o, sivîlan zî est ê û rayverê hukûmatî û STKyan zî est ê. No ser zî wa komeleyê mîyanêneteweyî di no babetî de hîna hîsgêr bibê.”
QIRKERDIŞEKÊ GIRD
Muslîm aşkera kerd ke nika di ser sînorî de bi hezaran merdimê sivîlî est ê la di Kobanê de çend merdim est o nêşkenê bivajê la înan taxmîn kenî ke bi hezaran merdimê nika di Kobanê de est ê, ganîyo ke seba pawiyayişê nê merdiman mudaxaleya lejkerî şert o, hêzê YPGî, çeteyê DAIŞî ra darbeyekê gird day piro, no ser zî DAIŞ armancê xo ra nêresa û verba no rewşî zî çeteyê DAIŞî wazenê qirkerdişekê gird bikerê.
Muslîm wina vat: “Ma wazenê sifteyin heme nê sivîlan tahlîye bikerê la hetê no rewşî di hêzê YPGî ra hetkarîya çekê lezginî şert o. Çimkî çeteyê DAIŞî bi çekê giran hêrişê Kobanê kenî. Dema ke balafiran hêriş bikerê no demî çeteyê DAIŞî nêşkenê bi rehet têbigerî la çi heyfo ke di destê YPGî de zî çekê sivik est ê û no ser zî hêzê mîyanêneteweyî YPGî ra ardim bikerê. Heme bîyîşê nê rewşan ser akerdişê korîdorê hetkarîyê şert o û no korîdor zî ser Murşîtpinarî bêro akerdiş. Çeteyê DAIŞî ra şerto ke no noqtayî ra hêzê mîyanêneteweyî hêriş bikerê û çimkî ganîyo ke çeteyê DAIŞî no noqtayî ra nêznêbî. Ma bawerekê do peynîya akerdişê no korîdorê hezaran merdimê bixelisê û netîce zî weş bibo.”
GANÎMET RÊ BEŞDAR BENÎ
Muslîm bal ont ser averşîyîşê çeteyê DAIŞî û wina dewam kerd: “Çi heyfo ke çapemenî her tim xeberî provokasyonê virazenê. Çend rojê vatê Kobanê kewto û çapemenî bi nê xeberan seba DAIŞî rê propoganda kenî. Ma înkar nêkenê di Kobanê de çeteyê DAIŞî çin ê la no rêje seyî ra 40 nîyo, tena belkî seyî 20’î yo. Seyî 80’ê Kobanê ra YPG serwer o la belê serwerbîyîşê Kobanê ser DAIŞ hêrişê xo zaf kerd. Ma zî hîna avernêşîyê çeteyê DAIŞî ser hetkarî wazenê. Zaf çeteyê DAIŞî amey kiştiş, her roj sey çeteyê DAIŞî yenî kiştiş. Çimkî yew hetra hêzê koalîsyon yew het ra zî hêzê YPGi, çeteyê DAIŞî ra donê piro. Di rojlhîlat û vaşûrê Kobanê di her roj çeteyê DAIŞî mirenî la belê hewna zî çeteyê DAIŞî bi vengê ganîmetî çeteyan kom kenî û hêrişê Kobanê kenî û no ser zî her roj terorîst beşdarî DAIŞî benî.”
MUDAXALEYÊ KOALÎSYONÊ
Muslîm mudaxeleyê koalîsyonê ard vîr çika mudaxeleyê koalîsyonê dewam bikero, ona têkoşîna înan serkewt bibo, balafirê koalîsyonê zere û teberî Kobanê ra mudaxele kenî û înan zî wazenê mudaxaleyê koalîsyonê bidomyo û di noca de merdiman mudaxeleyê ra zaf memnûn ê la mudaxele qiym nêkeno û hîna tewr vêşî bêro kerdiş.
Muslîm ciresna ke do çeteyê DAIŞî, Tirkîyayê ser zî bela bibê û wina dewam kerd: “Peynîya destpê şerê, hukûmata tirk ra înan hetkarî waştê la belê hetanê nika qet hukûmata AKP hetkarî înan ra nêdaya. Hukûmata tirk zî vat bike DAIŞ seba înan teluke yo, no ser zî ganîyo ke hukûmata tirk YPGî ra hetkarî bido. Çimkî DAIŞ tena şarê kurd ra neyar nîyo. Do meşte belayê ser Tirkîya zî bibo, hetta belayê ser dinya zî bibo. No demî Tirkîyayê ra seba DAIŞî ra hetkarîdayişê rê dozan bêro akerdiş.”
Muslîm vat ke verba heme nê telukeyan ser zî heme dinya Kobanê ra hetkarî bido û wina vat: “Hukûmata tirk vat bike seba ma DAIŞ û YPG eynî yê û ferqê înan çin o û diyin zî rayvistişê terorîst ê. Heme dinya çeteyê DAIŞî şinasnenê û ferqê DAIŞ û YPG zî weş zanenê. YPG seba pawiyayişê yew şarê nêameya ronayiş û şarê ermenî, ereb, tirkmen û kurd pawiyena. Di Kobanê de her dorûverî ra şar est ê. DAIŞê heme dinya şinasnenê û çeteyê DAIŞ qirkerdişî ra sewbî çik nêzanê. No ser zî vatişê YPG û DAIŞ nêheqîyake gird o. Ganî no tarz vatişê ra hukûmata tirk fek verabido.”
DO AMED ZÎ BIKEWO
Muslîm aşkera kerd ke qet hetanê nika peşmerge hetkarîyê YPG nêkerdo la vakurî ra hetkarî ame û no ser zî heme şaran ra spas kenî û ganîyo ke hetkarîya lejkerî zî bêro û wina qedîna: “Peşmergeyan ma ra soz dabî la belê hema zî hetkarîyê lejkerî nêday ma ra, şarê Kobanê zî şarê Kurdistanî yê. No ser zî wa hêzê peşmerge Kobanê rê hîsgêr bibê. Ma aşkera vanê ke eke Kobanê bikewo do meşte Hewler, Amed û Mahabad zî bikewê.” (kurdistan24.org)
Qirkerdişî ra dewleta tirk berpisîyar o
MUSLÎM arz ziwan ke rayedarê DYAyê vat bike mudaxaleye balafirê qiym nêkeno, no vatiş raşt o û înan zî wazenê korîdorê hetkarîyê bêro akerdiş û çekê zî bêro eşrawitiş û no dergî da qise xo: “Ma zî zanenê di mîyanê şerê de her çik bibo la di noca de xoverodayişekê zaf gird est o û rûhê xoverodayişê YPG/YPJî zaf gird o.”
Muslîm dîyar kerd ke no xoverodayiş ona girdo ke verba çeteyê DAIŞî, hêzê YPG/YPJ bi qehremantî têkoşîn danê û wina dewam kerd: “Ma zanenekê peynîya no şerî do hêzê şarî serkewt bibê. Belkî îxtîmala kewtişê Kobanê zî est o û no rewşî ma zî zanenê. No ser zî ma heme hêzê mîyanêneteweyî ra veng danê. Bêrê Kobanê ra hetkarî bidê. Eke do Kobanê bikewo se di Şengal de zî qirkerdişekê zaf gird bibo û berpirsîyarê no qirkerdişî zî seba ke hetkarî nêdanê dewleta tirk bibo. Ma zanenekê do ma serfiraz bibê.”